ଭୁବନେଶ୍ୱର, ୨୭ ଅକ୍ଟୋବର ୨୦୨୬: “ସତ୍ୟନିଷ୍ଠା ମାଧ୍ୟମରେ ସମୃଦ୍ଧି” ବିଷୟବସ୍ତୁକୁ ନେଇ ଅକ୍ଟୋବର ୨୬ରୁ ନଭେମ୍ବର ୧, ୨୦୨୬ ପର୍ଯ୍ୟନ୍ତ ପାଳନ କରାଯାଉଥିବା ଦୁର୍ନୀତି ନିବାରଣ ସଚେତନତା ସପ୍ତାହ ଅବସରରେ କମ୍ପ୍ରେହେନ୍ସିଭ୍ ରିଜନ୍ ଅର୍ବାନ୍ ଟ୍ରାନ୍ସପୋର୍ଟ (CRUT)ର ସମସ୍ତ ଅଧିକାରୀ ଓ କର୍ମଚାରୀ ସତ୍ୟନିଷ୍ଠା, ସ୍ୱଚ୍ଛତା ଏବଂ ଉତ୍ତରଦାୟିତ୍ୱ ବଜାୟ ରଖିବା ପାଇଁ ଶପଥ ପାଠ କରିଥିଲେ। ଏହି ଅବସରରେ ବିଭାଗୀୟ ମହାପ୍ରବନ୍ଧକ (P&A) ଶ୍ରୀ ସହଦେବ ସାମାଧିଆ ଉପସ୍ଥିତ ଥିଲେ।
ଏହି ଶପଥ ମାଧ୍ୟମରେ ସମସ୍ତ ଅଧିକାରୀ ଓ କର୍ମଚାରୀ ନିଜ ନିଜ କର୍ତ୍ତବ୍ୟକୁ ନିଷ୍ଠାର ସହ ପାଳନ କରିବା, ନୈତିକ ଆଚରଣ ଅନୁସରଣ କରିବା ଏବଂ ସାର୍ବଜନୀନ ସେବାରେ ସର୍ବୋଚ୍ଚ ସତ୍ୟନିଷ୍ଠା ଓ ସାଧୁତା ବଜାୟ ରଖିବାକୁ ସଂକଳ୍ପ ନେଇଥିଲେ।
ଦୁର୍ନୀତି ନିବାରଣ, ଜନସାଧାରଣଙ୍କ ଆସ୍ଥା ସୁଦୃଢ଼ କରିବା ଏବଂ ସୁଶାସନକୁ ପ୍ରୋତ୍ସାହିତ କରିବାରେ ପ୍ରତ୍ୟେକ କର୍ମଚାରୀଙ୍କ ସାମୂହିକ ଦାୟିତ୍ୱକୁ ଏହି ପଦକ୍ଷେପ ଗୁରୁତ୍ୱ ଦେଇଥିଲା। ଏଥିସହ ସ୍ବଚ୍ଛ ଓ ଦୁର୍ନୀତିମୁକ୍ତ ସେବା ପ୍ରଦାନ ପାଇଁ CRUT ପ୍ରତିବଦ୍ଧତା ପ୍ରକାଶ କରିଥିଲା।
35 Total Count