ଅଭିନେତାରୁ ରାଜନେତା ପାଲଟିଥିବା ବିଜୟ ତାମିଲନାଡୁରେ ଏକ ବୃହତ ସଫଳତାର ସହିତ ଡେବ୍ୟୁ କରିଛନ୍ତି । ତାମିଲନାଡ଼ୁ ଚଳଚ୍ଚିତ୍ର ତାରକାମାନଙ୍କୁ ନେତା ଭାବରେ ନିର୍ବାଚିତ କରିବାର ଏକ ଲମ୍ବା ଇତିହାସ ରଖିଛି। ବିଜୟ ଦ୍ରାବିଡ଼ ଦ୍ୱନ୍ଦ୍ୱ ମଧ୍ୟରେ ପରିବର୍ତ୍ତନର ପ୍ରତିଶ୍ରୁତି ଦେଇଥିଲେ। ବିଜୟଙ୍କ ଟିଭିକେ ଏବେ ସବୁଠୁ ଅଧିକ ଆସନରେ ଆଗୁଆ ଅଛି । ଯଦି ତାଙ୍କ ଦଳ ଏକାକୀ ସରକାର ଗଠନ କରିବାକୁ ସଫଳ ନହୁଏ ଅର୍ଥାତ ମ୍ୟାଜିକ ନମ୍ୱର ଛୁଇଁ ନପାରେ, ତେବେ ଟିଭିକେ ପାଖରେ କ’ଣ ବିକଳ୍ପ ଅଛି?
ଏବେ ଭୋଟ ଗଣତି ଚାଲିଛି । ଟିଭିକେ କାହାର ବିନା ସମର୍ଥନରେ ରାଜ୍ୟରେ ସରକାର ଗଠନ କରିବାକୁ ଆଶାବାଦୀ ଅଛି । ୨୩୪ ସଦସ୍ୟ ବିଶିଷ୍ଟ ତାମିଲନାଡୁ ବିଧାନସଭାରେ ୧୧୮ ହେଉଛି ମ୍ୟାଜିକ ନମ୍ୱର । ଏକଜିଟ୍ ପୋଲ୍ ଆକଳନକୁ ଭୁଲ୍ ପ୍ରମାଣିତ କରି ଟିଭିକେ ଭଲ ପ୍ରଦର୍ଶନ କରିଛି ।
ନିର୍ବାଚନ ପୂର୍ବରୁ ଟିଭିକେ ଏଆଇଏଡିଏମକେ ନେତୃତ୍ୱାଧୀନ ଏନଡିଏ ଏବଂ ଡିଏମକେ ଉଭୟ ସହିତ ମେଣ୍ଟକୁ ସ୍ପଷ୍ଟ ଭାବରେ ପ୍ରତ୍ୟାଖ୍ୟାନ କରିଥିଲା । ତାମିଲନାଡ଼ୁ ଏମଜିଆରଙ୍କ ପରି ଚଳଚ୍ଚିତ୍ର ତାରକାମାନଙ୍କୁ ନେତା ଭାବରେ ନିର୍ବାଚିତ କରିବାର ଏକ ଲମ୍ବା ଇତିହାସ ରଖିଛି । ରଜନୀକାନ୍ତ ଏବଂ କମଲ ହାସନଙ୍କ ପରି ଅନେକ ତାରକା ନିର୍ବାଚନରେ ଲମ୍ଫ ଦେଇ ପ୍ରଶଂସକଙ୍କୁ ନିର୍ବାଚନୀ ଲାଭରେ ପରିଣତ କରିବାରେ ବିଫଳ ହୋଇଛନ୍ତି। ବିଜୟ ତାଙ୍କ ରାଲିରେ ବିପୁଳ ଜନସମାଗମ ବା କ୍ରାଉଡପୁଲିଂ ମଧ୍ୟ କରିଥିଲେ । ବିଶେଷକରି ଯୁବପିଢ଼ି ଏବଂ ସହରାଞ୍ଚଳ ଭୋଟରମାନଙ୍କୁ ସେ ବିଶେଷଭାବେ ଆକର୍ଷିତ କରିପାରିଥିଲେ ।
24 Total Count