କିରଣ ରାଓଙ୍କ ନିର୍ଦ୍ଦେଶନାରେ ନିର୍ମିତ ‘ଲାପତା ଲେଡିଜ୍’ ୯୭ତମ ଏକାଡେମୀ ଆୱାର୍ଡ (ଓସ୍କାର) ଦୌଡ଼ରୁ ବାଦ୍ ପଡ଼ିଛି। ଫିଲ୍ମଟି ଶ୍ରେଷ୍ଠ ଅନ୍ତର୍ଜାତୀୟ ଫିଚର ଫିଲ୍ମ ବର୍ଗରେ ଶେଷ ୧୫ରେ ସ୍ଥାନ ପାଇବାରେ ବିଫଳ ହୋଇଛି। ଏହା ସହିତ ଭାରତୀୟ ଚଳଚ୍ଚିତ୍ରପ୍ରେମୀ ନିରାଶ ହୋଇଛନ୍ତି । ଦର୍ଶକମାନେ ଆଶା କରିଥିଲେ ଯେ ଫିଲ୍ମକୁ ଚୟନ କରାଯିବ, କିନ୍ତୁ ଦୁଃଖର କଥା ଏହା ହୋଇପାରିଲା ନାହିଁ । ଫିଲ୍ମଟି ଓସ୍କାର ଦୌଡ଼ରୁ ବାଦ୍ ପଡ଼ିବା ପରେ ଆମୀର ଖାଁ ଏବଂ ତାଙ୍କ ଟିମ୍କୁ ମଧ୍ୟ ଝଟକା ଲାଗିଛି। ଏହି କାରଣରୁ ଅମୀର ଖାଁଙ୍କ ଟିମ୍ ସୋସିଆଲ ମିଡିଆରେ ଏ ନେଇ ଏକ ଲମ୍ବା ପୋଷ୍ଟ ସେୟାର କରିଛନ୍ତି ।
“ଚଳିତ ବର୍ଷ ଏକାଡେମୀ ପୁରସ୍କାର ପାଇଁ ସର୍ଟଲିଷ୍ଟରେ ‘ଲାପତା ଲେଡିଜ୍’ ସ୍ଥାନ ପାଇନଥିବାରୁ ଆମେ ନିରାଶ ହୋଇଛୁ । ତେବେ ଆମକୁ ଯେଉଁ ଭଲପାଇବା, ସମର୍ଥନ ଓ ବିଶ୍ୱାସ ମିଳିଛି ସେଥିପାଇଁ ଆମେ ଅତ୍ୟନ୍ତ କୃତଜ୍ଞ। ଅମୀର ଖାଁ ପ୍ରଡକ୍ସନ, ଜିଓ ଷ୍ଟୁଡିଓ ଏବଂ କିଣ୍ଡଲିଂ ପ୍ରଡକ୍ସନର ଟିମ୍ ତରଫରୁ ଆମେ ଏକାଡେମୀ ସଦସ୍ୟ ଏବଂ ଏଫଏଫଆଇ ଜୁରିଙ୍କୁ ଧନ୍ୟବାଦ ଦେବାକୁ ଚାହୁଁଛୁ। ଏକ ପ୍ରକ୍ରିୟାର ଅଂଶ ହେବା ଆମ ପାଇଁ ଗର୍ବର ବିଷୟ ଯେଉଁଠାରେ ବିଶ୍ୱର ଅନ୍ୟ ଚଳଚ୍ଚିତ୍ର ସହିତ ଆମ ଚଳଚ୍ଚିତ୍ରକୁ ସୁଯୋଗ ମିଳିଛି | ଆମେ ଆମର ସମସ୍ତ ପ୍ରଶଂସକଙ୍କୁ ହୃଦୟରୁ ଧନ୍ୟବାଦ ଦେବାକୁ ଚାହୁଁଛୁ ଯେ ସେମାନେ ଆମ ଚଳଚ୍ଚିତ୍ରକୁ ଯେଉଁ ଭଲପାଇବା ଏବଂ ସମର୍ଥନ ଦେଇଛନ୍ତି।“
53 Total Count
