ଆଜି ମେ ୨୮ ତାରିଖକୁ ମାସିକ ୠତୁସ୍ରାବ ସ୍ୱଚ୍ଛତା ଦିବସ । ପ୍ରତିବର୍ଷ ମେ ମାସ 28 ତାରିଖକୁ ଋତୁସ୍ରାବ ଜନିତ ସ୍ବଚ୍ଛତା ଦିବସ ଭାବେ ପାଳନ କରାଯାଉଛି। ଋତୁସ୍ରାବ ଜନିତ ସ୍ୱଚ୍ଛତାକୁ ଗୁରୁତ୍ୱ ଦେବା ହେଉଛି ଏହାର ପ୍ରମୁଖ ଲକ୍ଷଣ। ଜର୍ମାନର ଏକ ବେସରକାରୀ ସଂସ୍ଥା ଓ୍ୱାସ୍ ୟୁନାଇଟେଡ୍ ଦ୍ବାରା ଏହା ୨୦୧୪ ମସିହାରେ ଆରମ୍ଭ କରାଯାଇଥିଲା। ତେବେ ଏ କ୍ଷେତ୍ରରେ ସଚେତନ ସୃଷ୍ଟି କରିବାକୁ ପ୍ରଥମ ଥର ପାଇଁ ଅଣ୍ଟା ଭିଡ଼ିଥିଲେ ଜର୍ମାନର କେତେକ ବେସରକାରୀ ସଂଗଠନ।
ବିଶ୍ୱବ୍ୟାପୀ ମହିଳା ଓ ଝିଅମାନଙ୍କୁ ଏହି ସମ୍ବନ୍ଧୀୟ ସୁବିଧା ସୁଯୋଗ ଯୋଗାଇବା ଥିଲା ଏହାର ମୂଳ ଉଦ୍ଦେଶ୍ୟ। ଋତୁସ୍ରାବ ସ୍ୱଚ୍ଛତା ଦିବସକୁ ୨୭୦ରୁ ଅଧିକ ବିଶ୍ୱ ଭାଗୀଦାରିର ସମର୍ଥନ ପ୍ରାପ୍ତ ହୋଇସାରିଛି। ଗାଁ ହେଉ କିମ୍ବା ସହର ଏହି ସମୟରେ ମହିଳାଙ୍କୁ ବିଭିନ୍ନ ଅନ୍ଧବିଶ୍ବାସର ସାମନା କରିବାକୁ ପଡିଥାଏ । ଏଭଳି ବ୍ୟବହାର ମାନସିକ ସ୍ତରରେ ନାରୀଙ୍କୁ ଆହୁରି ଦୁର୍ବଳ କରାଇ ଦିଆଯାଉଛି । ନିଜର ପୀଡାକୁ ନାରୀ ଟିଏ ମନ ଖୋଲି କହି ପାରୁନାହିଁ। ଯାହା ଦ୍ବାରା ମାନସିକ ସ୍ତରରେ ଦୁର୍ବଳ ହେବା ସହ ଶାରୀରିକ ସ୍ତରରେ ଯତ୍ନ ନେବାରେ ସଫଳ ହୋଇ ପାରନ୍ତି ନାହିଁ । ଏହି ମାସିକ ଋତୁସ୍ରାବ ସମୟରେ ଆମକୁ ସ୍ୱଚ୍ଛତା ପ୍ରତି ଅଧିକ ଧ୍ୟାନ ଦେବା ଜରୁରୀ ।
ଏଥିପାଇଁ ଆମେ ସର୍ବଦା ତତ୍ପର ହେବାର ଆବଶ୍ୟକତା ରହିଛି । ଏହାକୁ ପ୍ରୋତ୍ସାହିତ କରବକରିବା ପାଇଁ ପ୍ରତିବର୍ଷ ମେ 28ରେ ବିଶ୍ବ ଋତୁସ୍ରାବ ସ୍ୱଚ୍ଛତା ଦିବସ ପାଳନ କରାଯାଏ । ତେବେ ପ୍ରତିବର୍ଷ ଭଳି ଏବର୍ଷ ମଧ୍ୟ ସ୍ବତନ୍ତ୍ର ଥିମ୍ ରହିଛି , ଏଥର ଥିମ୍ ରଖାଯାଇଛି ” Together for a #PeriodFriendlyWorld”
60 Total Count