ଗେଟ୍ସ ଫାଉଣ୍ଡେସନ ଜରିଆରେ ମାଇକ୍ରୋସଫ୍ଟ ସହ-ପ୍ରତିଷ୍ଠାତା ବିଲ୍ ଗେଟ୍ସ ତାଙ୍କର ସମସ୍ତ ସମ୍ପତ୍ତିକୁ ଦାନ କରିବେ ବୋଲି ପ୍ରକାଶ କରିଛନ୍ତି । ଆସନ୍ତା ୨୦ ବର୍ଷ ମଧ୍ୟରେ ସେ ନିଜର ପ୍ରାୟ ସମସ୍ତ ବ୍ୟକ୍ତିଗତ ସମ୍ପତ୍ତିକୁ ଦାନ କରିବାକୁ ଶପଥ ନେଇଛନ୍ତି ।
ସେ କହିଛନ୍ତି ଯେ, ଏହା ମାଧ୍ୟମରେ ବିଶ୍ୱର ଗରିବମାନେ ଗେଟ୍ସ ଫାଉଣ୍ଡେସନ ଜରିଆରେ ୨୦୦୦୦ କୋଟି ଡଲାର ପାଇପାରିବେ । ବିଶ୍ୱର ଅନେକ ସମସ୍ୟାର ସମାଧାନ ହୋଇଯିବ । ୨୦୦୦ ମସିହାରେ ବିଲ୍ ଗେଟ୍ସ ଏବଂ ତାଙ୍କ ପୂର୍ବତନ ପତ୍ନୀ ମିଲିଣ୍ଡା ଫ୍ରେଞ୍ଚ ଗେଟ୍ସ ଏହି ଫାଉଣ୍ଡେସନ୍ର ପ୍ରତିଷ୍ଠା କରିଥିଲେ । ୨୦୪୫ ଡିସେମ୍ବର ୩୧ରେ ଗେଟ୍ସ ଫାଉଣ୍ଡେସନକୁ ବନ୍ଦ କରିବା ପୂର୍ବରୁ ସେ ସବୁ ସମ୍ପତ୍ତିକୁ ଦାନ କରିବାକୁ ଚାହୁଁଥିବା ବିଲ୍ ଗେଟ୍ସ ପ୍ରକାଶ କରିଛନ୍ତି । ଏହି ଧନରାଶିରେ ଅନେକ ସମସ୍ୟାର ସମାଧାନ ହୋଇପାରିବ ବୋଲି ସେ କହିଛନ୍ତି । ବର୍ତ୍ତମାନ ଗେଟ୍ସଙ୍କ ସମ୍ପତ୍ତି ପରିମାଣ ୧୦୮୦୦ କୋଟି ଡଲାର ରହିଛି । ଏହା ଆସନ୍ତା ଦୁଇ ଦଶନ୍ଧି ମଧ୍ୟରେ ୯୯% ଖସିଯିବ ବୋଲି ଗେଟ୍ସ କହିଛନ୍ତି ।
3 Total Count