ଭୁବନେଶ୍ୱରରେ ଆରମ୍ଭ ହେଲା ୭ମ ଓଡ଼ିଶା ଟ୍ରାଭେଲ ବଜାର-୨୦୨୬ । ମୁଖ୍ୟମନ୍ତ୍ରୀଙ୍କୁ ଭେଟିଲେ କିମ୍ବଦନ୍ତୀ କ୍ରିକେଟର କପିଲ ଦେବ । ଅକ୍ଟୋବର ୩ରୁ ୫ ତାରିଖ ପର୍ଯ୍ୟନ୍ତ ତିନିଦିନ ଧରି ଚାଲିବାକୁ ଥିବା ଏହି ପର୍ଯ୍ୟଟନ ମହାକୁମ୍ଭର ଉଦଘାଟନ ଅବସରରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେଇଛନ୍ତି ।
ପର୍ଯ୍ୟଟନ ବିଭାଗ ପକ୍ଷରୁ ଆୟୋଜିତ ପ୍ରଦର୍ଶନୀ ବୁଲି ଦେଖିଛନ୍ତି ମୁଖ୍ୟମନ୍ତ୍ରୀ । କାର୍ଯ୍ୟକ୍ରମରେ ଭାରତୀୟ କ୍ରିକେଟର କିମ୍ବଦନ୍ତୀ ତଥା ୧୯୮୩ ବିଶ୍ୱକପ୍ ବିଜୟୀ ଭାରତୀୟ ଦଳର ଅଧିନାୟକ କପିଲ ଦେବ ମୁଖ୍ୟମନ୍ତ୍ରୀଙ୍କୁ ସାକ୍ଷାତ କରିଛନ୍ତି ।
ଓଡ଼ିଶା ପର୍ଯ୍ୟଟନ ବିଭାଗ ଏବଂ FICCIର ମିଳିତ ସହଯୋଗରେ ଆୟୋଜିତ ଓଡ଼ିଶା ଟ୍ରାଭେଲ ବଜାର ମୁଖ୍ୟତଃ ଏକ B2B ପର୍ଯ୍ୟଟନ ପ୍ଲାଟଫର୍ମ । ଏଥର ବିଦେଶର ୨୭ଟି ଦେଶର ଟୁର୍ ଅପରେଟରଙ୍କ ସହ ଦେଶର ୩୨ଟି ସହରରୁ ଘରୋଇ ବାୟର ଯୋଗଦେଉଛନ୍ତି । ୯୨ରୁ ଅଧିକ ଘରୋଇ ପ୍ରଦର୍ଶକ ମଧ୍ୟ ସାମିଲ ହେଉଛନ୍ତି ।
ତିନିଦିନ ମଧ୍ୟରେ ୬ ହଜାରରୁ ଅଧିକ ପୂର୍ବନିର୍ଦ୍ଧାରିତ B2B ବୈଠକ ହେବାର କାର୍ଯ୍ୟକ୍ରମ ରହିଛି । ଏହି ଟ୍ରାଭେଲ ବଜାର ମାଧ୍ୟମରେ ଓଡ଼ିଶାର ପର୍ଯ୍ୟଟନ ସମ୍ଭାବନାକୁ ଦେଶ ଓ ବିଦେଶରେ ଆହୁରି ବ୍ୟାପକ ଭାବେ ପହଞ୍ଚାଇବା ଉପରେ ଫୋକସ୍ କରାଯାଇଛି ।
78 Total Count