ଦିଲ୍ଲୀର ମ୍ୟୁନିସିପାଲ କର୍ପୋରେସନ୍ (MCD) ର ମେୟର ନିର୍ବାଚନରେ ଜିତିଛନ୍ତି ଶେଲୀ ଓବରଏ ।ଆପ୍ କାଉନ୍ସିଲର୍ମାନେ ସେମାନଙ୍କ ଦଳର ପ୍ରାର୍ଥୀ ଶେଲୀ ଓବରଏଙ୍କ ବିଜୟ ପରେ ‘ଭାରତ ମାତା କି ଜୟ’ ସ୍ଲୋଗାନ ଦେଇଥିଲେ। ୱାର୍ଡ ନମ୍ବର ୮୬ରୁ MCD କର୍ପୋରେଟର ନିର୍ବାଚନରେ ଶେଲୀ ଓବରଏ ଜିତିଛନ୍ତି। ତେବେ ଆସନ୍ତୁ ନୂଆ ମେୟରଙ୍କ ବିଷୟରେ ଜାଣିନେବା।
ଦିଲ୍ଲୀର ନୂଆ ମେୟର ଶେଲୀ ଓବରଏ ଦିଲ୍ଲୀ ବିଶ୍ୱବିଦ୍ୟାଳୟରେ ସହକାରୀ ପ୍ରଫେସର ଭାବରେ କାମ କରିଛନ୍ତି। ୩୯ ବର୍ଷୀୟ ଶେଲୀ ଓବରଏ ମଧ୍ୟ ଭାରତୀୟ ବାଣିଜ୍ୟ ସଂଘ (ଆଇସିଏ)ର ଆଜୀବନ ସଦସ୍ୟ ଅଛନ୍ତି।
ବିଭିନ୍ନ ସମ୍ମିଳନୀରେ ସେ ଅନେକ ପୁରସ୍କାର ମଧ୍ୟ ଗ୍ରହଣ କରିଛନ୍ତି। ସେ ସ୍କୁଲ୍ ଅଫ୍ ମ୍ୟାନେଜ୍ମେଣ୍ଟ ଷ୍ଟଡିଜ୍, ଇନ୍ଦିରା ଗାନ୍ଧୀ ନ୍ୟାସ୍ନାଲ ଓପନ୍ ୟୁନିଭରସିଟି (IGNOU) ରୁ ଦର୍ଶନରେ ଡକ୍ଟରେଟ୍ ଡିଗ୍ରୀ ହାସଲ କରିଛନ୍ତି।
୨୦୧୩ରେ ସେ ଆମ୍ ଆଦମୀ ପାର୍ଟି (AAP) ରେ ଯୋଗ ଦେଇଥିଲେ। ତାଙ୍କୁ ଦିଲ୍ଲୀ ଆପ୍ର ମହିଳା ୱିଙ୍ଗ୍ର ଉପାଧ୍ୟକ୍ଷ କରାଯାଇଥିଲା। ଦିଲ୍ଲୀ ଏମ୍ସିଡି ମେୟର ନିର୍ବାଚନ ଠିକ୍ ସମୟରେ କରାଯିବାକୁ ଦାବି କରି ଶେଲୀ ଓବରଏ ଜାନୁଆରୀ ୨୬ରେ ସୁପ୍ରିମକୋର୍ଟରେ ଏକ ପିଟିସନ ଉପସ୍ଥାପନ କରିଥିଲେ।
15 Total Count