ପୁଣି ତାମିଲନାଡୁରେ ବର୍ଷା । ତିରୁନେଲଭେଲି, ତୁତିକୋରିନ, ଟେନକାସୀ ଏବଂ କନ୍ୟାକୁମାରୀ ଜିଲ୍ଲାରେ ପ୍ରବଳ ବର୍ଷା । ବର୍ଷାରେ ଅସ୍ତବ୍ୟସ୍ତ ହେଲାଣି ଜନଜୀବନ । ଦକ୍ଷିଣ ତାମିଲନାଡୁ ଅଂଚଳରେ ବିତ୍ପାତ ସୃଷ୍ଟି କରିଛି ବର୍ଷା। ୨୪ ଘଣ୍ଟା ମଧ୍ୟରେ ତୁତିକୋରିନ ଜିଲ୍ଲାର ତିରୁଚେନ୍ଦୁର ନାମକ ସ୍ଥାନରେ ସର୍ବାଧିକ ୬୦ ସେଣ୍ଟିମିଟର ବର୍ଷା ରେକର୍ଡ ହୋଇଛି। ପଲୟମକୋଟ୍ଟାଇରେ ସର୍ବାଧିକ ୨୬ ସେଣ୍ଟିମିଟର ଏବଂ କନ୍ୟାକୁମାରୀରେ ୧୭ ସେଣ୍ଟିମିଟର ବର୍ଷା ରେକର୍ଡ ହୋଇଛି। ବର୍ଷାରେ ଜଣକର ମୃତ୍ୟୁ ହୋଇଥିବା ଜଣାପଡିଛି। ବର୍ଷା ସ୍ଥିତିରୁ ୪ ଜିଲ୍ଲାରେ ଆଜି ସ୍ଥାନୀୟ ଛୁଟି ଘୋଷଣା କରିଛନ୍ତି ଜିଲ୍ଲା ପ୍ରଶାସନ। ଉଦ୍ଧାରକାର୍ଯ୍ୟ ଲାଗି ପ୍ରସ୍ତୁତ ରହିଛନ୍ତି ଟିମ । ସ୍କୁଲ, କଲେଜ, ବ୍ୟାଙ୍କ ଓ ଘରୋଇ ପ୍ରତିଷ୍ଠାନ ଗୁଡିକୁ ଛୁଟି କରି ଦିଆଯାଇଛି । ଅନେକ ଘରୋଇ କମ୍ପାନୀ ମଧ୍ୟ ଛୁଟି ଘୋଷଣା କରିଛନ୍ତି । ବର୍ଷାରୁ ଟ୍ରେନ, ବସ ଓ ବିମାନ ଚଳାଚଳ ବାଧାପ୍ରାପ୍ତ ହୋଇଛି । ଅନେକ ସ୍ଥାନରେ ପ୍ରାୟ ୩ ଫୁଟରୁ ଅଧିକ ଉଚ୍ଚରେ ପାଣି ଚାଲୁଛି । ତିରୁନିଭେଲି, ଥୁଟିକୁଡ଼ି ଏବଂ କନ୍ୟାକୁମାରୀରେ ସ୍ଥିତି ବିଗିଡିଛିୁ। ୩ ଡ୍ୟାମରୁ ପାଣି ଛଡାଯିବାରୁ ତଳିଆ ଅଂଚଳ ଜଳମଗ୍ନ ହୋଇ ପଡିଛି ।
6 Total Count