ଛୋଟ ହାତରେ ସବୁଜ ପ୍ରଥିବୀ ଗଠନ, ସ୍ଥାନୀୟ ମାଟି ସଂରକ୍ଷଣ ସହ ନଷ୍ଟ ହୋଇଯାଉଥିବା ମଞ୍ଜିକୁ ନେଇ ବିଶ୍ୱ ପରିବେଶ ଦିବସ ଅବସରରେ କୁନିକୁନି ପିଲାଙ୍କୁ ସିଡ୍ ବଲ୍ ତିଆରି ପ୍ରଶିକ୍ଷଣ । ପରିବେଶକୁ ସୁରକ୍ଷିତ ରଖିବା ସହ ଜନସଚେତନତା ପାଇଁ ପ୍ରତିବର୍ଷ ଜୁନ୍୫ ତାରିଖ ଦିନ ବିଶ୍ୱ ପରିବେଶ ଦିବସ ପାଳନ କରାଯାଇଥାଏ। ପ୍ରତିବର୍ଷ ବିଭିନ୍ନ ଥିମ ସହ ଏହି ଦିବସ ପାଳନ କରାଯାଉଥିବା ବେଳେ ଚଳିତ ବର୍ଷର ଥିମ ରହିଛି ” ମୃତ୍ତିକା ପୁନରୁଦ୍ଧାର, ମରୁଭୂମି ଏବଂ ମରୁଭୂମିର ସ୍ଥିରତା ”
ଢେଙ୍କାନାଳ ଜିଲ୍ଲା ସଦର ବ୍ଲକ ଅନ୍ତର୍ଗତ କୋଟପାଳ ଗ୍ରାମରେ ଏକ ସଚେତନତା କାର୍ଯ୍ୟକ୍ରମ ପରିବେଷବିତ୍ ଶୁଭ୍ରାଂଶୁ ଶତପଥୀଙ୍କ ତତ୍ତ୍ଵାବଧାନ ରେ ଅନୁଷ୍ଠିତ ହୋଇଯାଇଛି । କୋଟପାଳ ଗ୍ରାମରେ ଥିବା ଛୋଟଛୋଟ ପିଲାଙ୍କୁ ନେଇ ସ୍ଥାନୀୟ ମାଟି ଏବଂ ସ୍ଥାନୀୟ ମଞ୍ଜି ସଂଗ୍ରହ କରି ତାଙ୍କୁ ସିଡ୍ ବଲ୍ ନିର୍ମାଣ ର ପ୍ରଶିକ୍ଷଣ ଦେବା ସହ ଗଛ ଲଗାଇବା ଦ୍ୱାରା ମୃତ୍ତିକା ସଂରକ୍ଷଣ ର ଉପାଦେୟତା ନେଇ ତାଙ୍କ ପିଲାମାନେ ଜ୍ଞାନ ଆହରଣ କରିଥିଲେ । ମାଟି ପାଣି ମଞ୍ଜିକୁ ନେଇ ଏହି ସଚେତନତା କାର୍ଯ୍ୟକ୍ରମରେ ଯୋଗଦେଇ ପିଲାମାନେ ଖୁବ ଆନନ୍ଦିତ ହେବା ସହ, ଆଗାମୀ ଦିନରେ ଏଭଲି ସିଡବଲ୍ ସ୍କୁଲ ପଡିଆ ଏବଂ ଅଗଣାରେ ପକାଇ ସବୁଜିମା ସୃଷ୍ଟି କରିବେ ବୋଲି ପ୍ରତିଶ୍ରୁତି ନେଇଛନ୍ତି।
4 Total Count