ମଧ୍ୟବିତ ପରିବାରରୁ ଜନ୍ମ ତାପରେ ଡିଇଆଇଟି ରେ ସିଟି ପାଠପଢା ହେଲେ ଏତିକିରେ ଥମି ଯାଇନଥିଲା ପାଦ, ଲୋକସେବା ପାଇଁ ପୂର୍ବରୁ ଥିଲା ଉତ୍କଣ୍ଠା ସେଇଥିପାଇଁ ଦେଇଥିଲେ ରାଜନୀତି ରେ ପାଦ । ଚାହିଁଥିଲେ କୌଣସି ଏକ ସରକାରୀ ଚାକିରୀ ରେ ଯୋଗଦେଇ ନିଜ ଇଚ୍ଛାରେ କରି ପାରିଥାନ୍ତେ ସାଧାରଣ ଜୀବନ ଜାପାନ ହେଲେ ଲୋକଙ୍କ ସେବା ମନୋବୃତ୍ତି ହେତୁ ରାଜନୀତି କୁ ନିଜ ପନ୍ଥା ଭାବେ ବାଛିନେଇଥଲେ । ବହୁ ହାର୍ ଜିତ୍ , ବାଦ ବିବାଦ ମଧ୍ୟ ପିଛା ଛାଡିନଥିଲା ହେଲେ ଭାଙ୍ଗିନଥିଲା ମନୋବଳ ,ଆଉ ଏବେ ସାଧାରଣ ଲୋକଙ୍କ ପାଇଁ ସ୍ବର ସାଜିଛନ୍ତି ସୀମାରଣୀ ।
ହିନ୍ଦୋଳ ବିଧାୟିକା ସୀମାରଣୀ ନାୟକ, ୧୯୬୪ ମସିହା ଜୁଲାଇ ୮ ତାରିଖ ପିତା ଅନାଦି ନାୟକ ଓ ମାତା ଶ୍ରୀମତିଙ୍କ ଠାରୁ ଜନ୍ମ ଗ୍ରହଣ କରି ଧଳପୁର ହାଇସ୍କୁଲରେ ନିଜର ସ୍କୁଲ ଶିକ୍ଷା ସାରିଥିଲେ । ପରେପରେ ଉଚ୍ଚ ଶିକ୍ଷାପାଇଁ ଢେଙ୍କାନାଳ ସହର ସ୍ଥିତ ମହିଳା ମହାବିଦ୍ୟାଳୟର ଯୁକ୍ତ ଦୁଇରେ ପାଠ୍ୟକ୍ରମ କରିଥିଲେ । ଯୁକ୍ତ ଦୁଇ ସରିବା ପରେ ଢ଼େଙ୍କାନାଳ ଡିଇଆଇଟି ରେ ସିଟି ସମାପ୍ତ କରି, ୧୯୯୫ ମସିହାରେ ସେ ନିଜ ସ୍ଵାମୀଙ୍କ ଦ୍ଵାରା ଅନୁପ୍ରାଣିତ ସକ୍ରିୟ ରାଜନୀତିରେ ପାଦ ଦେଇଥିଲେ । ୧୯୯୭ ମସିହାରେ ହିନ୍ଦୋଳ ବ୍ଲକ ଚେୟାରମ୍ୟାନ ପଦବୀରେ ବସିଥିବା ବେଳେ, ସୋସିଆଲ ୱେଲଫେୟାର ବୋର୍ଡର ମେମ୍ବର, ଏସିଏଷ୍ଟି ଷ୍ଟେଟ ବୋର୍ଡ ସଭାପତି ,ଷ୍ଟେଟ ରେଡ଼ କ୍ରସ ମେମ୍ବର ଆଦି ପଦ ପଦବୀରେ ରହିଛନ୍ତି ।
ଲୋକଙ୍କ ସେବା ମନୋବୃତ୍ତି ରଖିଥିବା ସୀମା ସିଟି ପାଠ ପଢ଼ି ଶିକ୍ଷକତା ଚାକିରି ନକରି ସେ ରାଜନୀତି କୁ ବାଛିନେଇଥିଲେ ।୨୦୧୪ ଓ ୨୦୧୯ ମସିହାରେ ବିଜୁ ଜନତା ଦଳ ପକ୍ଷରୁ ଦୁଇଥର ବିଧାୟିକା ମଧ୍ୟ ହୋଇଥିଲେ । ହେଲେ ଚଳିତ ବର୍ଷ ବିଜୁ ଜନତା ଦଳ ତାଙ୍କୁ ଅଣଦେଖା କରି ଟିକେଟ ଦେଇନଥିଲେ । ଲୋକଙ୍କ ମତାମତ ନେଇ ପରେ ସୀମା ବିଜେପିରେ ଯୋଗ ଦେଇଥିଲେ । ବେଜିପି ମଧ୍ୟ ପ୍ରାର୍ଥୀ ବଦଳାଇ ସୀମାଙ୍କୁ ଟିକେଟ ପ୍ରଦାନ କରିଥିଲା । ନିର୍ବାଚନ ରେ ଭୁଲ୍ ହୋଇଥିଲା ବିଜେଡ଼ି ର ଅଙ୍କକସା ୧୦ ହଜାରରୁ ଉର୍ଦ୍ଧ୍ବ ଭୋଟରେ ବିଜୟର ମୁକୁଟ ପିନ୍ଧିଥିଲେ ସୀମା । ହିନ୍ଦୋଳ ବାସୀଙ୍କ ଏଭଳି ଅସା ଓ ବିଶ୍ୱାସ ହେତୁ ଆଗାମୀ ଦିନରେ ହିନ୍ଦୋଳ ଆହୁରି ବିକାଶ ତ୍ଵରାନିତ ହୋଇପାରିବ ସେ ଦିଗରେ କାର୍ଯ୍ୟ କରିବେ ବୋଲି ସୀମା କହିଛନ୍ତି ।
2 Total Count