ଭଦ୍ରକ ସାଂସଦ ଅଭିମନ୍ୟୁ ସେଠୀ , ସେ କେବଳ ଜଣେେ ଓଡିଶାର ରାଜନୀତଜ୍ଞ ନୁହେଁ, ସେ ବର୍ତ୍ତମାନ ଭଦ୍ରକ ଲୋକସଭାର ସାଂସଦ ଭାବେ ଦାୟିତ୍ବ ଗ୍ରହଣ କରିଛନ୍ତି।ଅଭିମନ୍ୟୁ ସେଠୀ ଭଦ୍ରକ ଜିଲ୍ଲାରେ ଜନ୍ମଗ୍ରହଣ କରିଥିଲେ । ତାଙ୍କ ବାପା ଅର୍ଜୁନ ଚରଣ ସେଠୀ ରାଜନେତା ଥିଲେ, ଯିଏକି ବିଧାୟକ, ସାଂସଦ ତଥା ମନ୍ତ୍ରୀ ଭାବରେ କାର୍ଯ୍ୟ କରିଥିଲେ । ତାଙ୍କ ମାଆଙ୍କ ନାମ ସୁଭଦ୍ରା ସେଠୀ ।ଭଦ୍ରକରେ ପୂର୍ବଥରର ସାଂସଦ ମଞ୍ଜୁଲତା ମଣ୍ଡଳଙ୍କୁ ହରାଇ ସାଂସଦ ହୋଇଛନ୍ତି ବିଜେପିର ଯୁବନେତା ଅଭିମନ୍ୟୁ ସେଠୀ। ଅଭିମନ୍ୟୁ ମୋଟ 5,73,319 ଭୋଟ ପାଇଥିବାବେଳେ ମଞ୍ଜୁଲତାଙ୍କ ସହ ତାଙ୍କର ଭୋଟ ବ୍ୟବଧାନ ରହିଛି 91,544 ।
(ସୌଜନ୍ୟ- ସୋସିଆଲ ମିଡିଆ)
ପରାଜିତ ପ୍ରାର୍ଥୀ ମଞ୍ଜୁଲତା ମଣ୍ଡଳ 4,81,775 ଖଣ୍ଡ ଓ କଂଗ୍ରେସ ପ୍ରାର୍ଥୀ ଅନନ୍ତ ସେଠୀ 2,21,874 ଖଣ୍ଡ ପାଇଛନ୍ତି । ବିଜୟୀ ପ୍ରାର୍ଥୀ ଅଭିମନ୍ୟୁ ହେଉଛନ୍ତି ଅର୍ଜୁନ ସେଠୀଙ୍କ ପୁଅ ।କର୍ମୀମାନେ ଅଭିମନ୍ୟୁଙ୍କ ଭଳି ଜଣେ ଯୁବ ନେତା ପାଇଁ ଖୁସି ବ୍ୟକ୍ତ କରିଛନ୍ତି। ଏଥିରେ ସିମୁଳିଆ ଖଇରା ନିର୍ବାଚନ ମଣ୍ଡଳୀରେ ସାଧାରଣ ଲୋକ ମାନେ ଅଭିମନ୍ୟୁଙ୍କ ଭଳି ଜଣେ ଯୁବ ନେତାଙ୍କୁ ପସନ୍ଦ କରୁଛନ୍ତି। ପୂର୍ବ ଅପେକ୍ଷା ଅଭିମନ୍ୟୁ ଚକ୍ର ବ୍ୟୁହ ଭେଦ କରି ପଦ୍ମ ଫୁଟାଇଛନ୍ତି।
ଗତ ୨୦୧୯ ନିର୍ବାଚନ ଅପେକ୍ଷା ୨୦୨୪ନିର୍ବାଚନ ସମ୍ପୂର୍ଣ୍ଣ ଅଲଗା। ଗତ ନିର୍ବାଚନରେ ଅଭିମନ୍ୟୁ ସେଠୀ କମ ସଂଖ୍ୟକ ଭୋଟରେ ପରାସ୍ତ ହୋଇଥିଲେ। ବ୍ୟକ୍ତି ହିସାବରେ ଅଭିମନ୍ୟୁ ଜଣେ ଭଲ ବ୍ୟକ୍ତି, ମେଳାପୀ ବୋଲି ସେ ଦୃଷ୍ଟିରୁ ଚଳିତ ବର୍ଷ ନିର୍ବାଚନରେ ବିଜୟ ହାସଲ କରି ଏବେ ସାଂସଦ ହୋଇଛନ୍ତି।
ଦୀର୍ଘ ବର୍ଷ ଧରି ଭଦ୍ରକ ଜିଲ୍ଲା ବିଜେଡିର ଦାୟିତ୍ବ ତୁଲାଇଥିଲେ ଅର୍ଜୁନ ସେଠୀ।ସ୍ବର୍ଗତ ଅଟଳ ବିହାରୀ ବାଜପେୟୀଙ୍କ ସରକାରରେ ସେ କେନ୍ଦ୍ରମନ୍ତ୍ରୀ ଥିଲେ।ଏବେ ତାଙ୍କ ପୁଅ ସାଂସଦ ଭାବେ ଦାୟିତ୍ବ ଗ୍ରହଣ କରିଛନ୍ତ । ନିଜ ଅଞ୍ଚଳରେ ଉନ୍ନତିକରଣ କାମ କରୁଛନ୍ତି। ସାଧାରଣ ଲୋକଙ୍କ ସୁବିଧା ଅସୁବିଧାରେ ଠିଆ ହେଉଛନ୍ତି। ଅଞ୍ଚଳର ମୌଳିକ ସମସ୍ୟା ପ୍ରତି ରାଜ୍ୟ ସରକାରଙ୍କ ସ୍ଥାଣୁତାକୁ ମୁଦ୍ଦା କରିବା ସହ ବିକଶିତ ଭାରତ ଓ ମୋଦି ଗ୍ୟାରେଣ୍ଟି ଆଧାରରେ ଜନମତ ଏକାଠି କରିବାକୁ ତାଙ୍କର ଲକ୍ଷ୍ୟ। ୨୦୪୭ ସୁଦ୍ଧା ଭାରତକୁ ବିକଶିତ ଭାରତ କରାଯିବାର ଯୋଜନା ରହିଛି ।ଗତ ୨୪ ବର୍ଷ ଧରି ଶାସନରେ ଥିବା ବିଜେଡି ସରକାର ଭଦ୍ରକ ଅଞ୍ଚଳରେ ପିଇବା ପାଣି ଅଭାବ, ବିପର୍ଯ୍ୟସ୍ତ ସ୍ବାସ୍ଥ୍ୟ ସେବା ଓ ଶିକ୍ଷା ବ୍ୟବସ୍ଥାକୁ ଲକ୍ଷ୍ୟ କଲେ ଜଣାଯାଏ ଯେ ସରକାରଙ୍କର କାର୍ଯ୍ୟ କରିବା ଶୈଳୀରେ ତୃଟି ରହିଛି । ଏହି ଆସନରେ ପରିବର୍ତ୍ତନର ଆବଶ୍ୟକତା ରହିଛି । ଏହି ଆସନରେ ବିଜେପି ଭଲ ସ୍ଥିତିରେ ରହିଛି।’
40 Total Count