ଆଜି ଇଫ୍କୋ ପାରାଦ୍ୱୀପ ୟୁନିଟ ତରଫରୁ ଏସ ସି ବି ମେଡିକାଲ କଲେଜ ଓ ହସ୍ପିଟାଲ ର ମେଡ଼ିସିନ ବିଭାଗକୁ ୨୫ଗୋଟି ହୁଇଲ ଚେୟାର ପ୍ରଦାନ କରାଯାଇଅଛି । ଏସ. ସି. ବି ମେଡିକାଲ ନିଉ ମେଡ଼ିସିନ ବିଭାଗ ପରିସରରେ ପ୍ରଫେସର ଡା ଜୟନ୍ତ କୁମାର ପଣ୍ଡା ଙ୍କ ସଂଯୋଜନା ରେ ଅନୁଷ୍ଠିତ କାର୍ଯ୍ୟକ୍ରମ ରେ ଏସ. ସି. ବି ମେଡିକାଲ କଲେଜ ଓ ହସ୍ପିଟାଲ ର ଅଧକ୍ଷା ପ୍ରଫେସର ଡା ଲୁସି ଦାସ, ଇଫ୍କୋ ପାରାଦ୍ୱୀପ ୟୁନିଟ ର ମୁଖ୍ୟ ଶ୍ରୀଯୁକ୍ତ ପ୍ରଦୀପ କୁମାର ମହାପାତ୍ର, ସ୍ନାୟୁ ରୋଗ ବିଭାଗୀୟ ମୁଖ୍ୟ ଡା ଅଶୋକ କୁମାର ମଲ୍ଲିକ, ଇଫ୍କୋ ପାରାଦ୍ୱୀପର ଲୋକ ସମ୍ପର୍କ ଅଧିକାରୀ ଶ୍ରୀଯୁକ୍ତ ପ୍ରସନ୍ନ କୁମାର ବେହୁରା ଭାରତ ମସଲା ର ଅଧକ୍ଷ ଶ୍ରୀଯୁକ୍ତ ସୁରେନ୍ଦ୍ର ନାଥ ପଣ୍ଡା ଓ କଣ୍ଠ ଶିଳ୍ପୀ ହୁମାନ ସାଗର ପ୍ରମୁଖ ଉପସ୍ଥିତ ରହି ମେଡ଼ିସିନ ବିଭାଗ ର ପ୍ରତ୍ୟେକ ୟୁନିଟକୁ ହୁଇଲ ଚେୟାର ପ୍ରଦାନ କରିଥିଲେ। ଏହି ଅବସରରେ ମେଡ଼ିସିନ ର ୭ଟି ୟୁନିଟ, ମେଡ଼ିସିନ ବର୍ହି ବିଭାଗ, ଆଇ. ସି. ୟୁ, ଆଶୁ ଚିକିତ୍ସା ବିଭାଗ, ମେଡ଼ିସିନ କ୍ୟାବିନ୍ ଓ ଡାଇରିଆ ଇତ୍ୟାଦି ୱାର୍ଡର ସେବିକା ମାନଙ୍କୁ ହୁଇଲ ଚେୟାର ଗୁଡିକୁ ପ୍ରଦାନ କରାଯାଇଥିଲା। ଉକ୍ତ କାର୍ଯ୍ୟକ୍ରମ ରେ ବିଶ୍ୱରଞ୍ଜନ ସାହୁ, ସୀତାଂଶୁ ଶେଖର ଦାସ ପ୍ରଭାତ ବେହେରା ଓ ଦିବ୍ୟ ରଞ୍ଜନ ପରିଡା ପ୍ରମୁଖ ସହଯୋଗ କରିଥିଲେ।
3 Total Count