ଉତ୍ତର ପ୍ରଦେଶର ବାଗପତ ଜିଲ୍ଲାରେ ବିବାହିତ ମହିଳାମାନେ ନିଜକୁ ଅବିବାହିତା ଝିଅ ଭାବରେ ପରିଚୟ ଦେବାର ଏକ ଘଟଣା ସାମ୍ନାକୁ ଆସିଛି। ମୋଟ ୬୯ ଜଣ ମହିଳା ଏଭଳି କରିଛନ୍ତି। ମୁଖ୍ୟମନ୍ତ୍ରୀ ଗଣ ବିବାହ ଯୋଜନା ପାଇଁ ଆବେଦନ ମଗାଯାଇଥିଲା। ତଦନ୍ତ ପରେ ଜଣାପଡିଥିଲା ଯେ, ୬୯ ଜଣ ମହିଳା ଗଣ ବିବାହ ଯୋଜନା ପାଇଁ ଆବେଦନ କରିଥିଲେ।
ସେମାନେ ସମସ୍ତେ ପୂର୍ବରୁ ବିବାହିତା ଥିଲେ। ମୁଖ୍ୟମନ୍ତ୍ରୀ ଗଣ ବିବାହ ଯୋଜନା ଅଧୀନରେ ଉତ୍ତର ପ୍ରଦେଶ ସରକାରଙ୍କ ଠାରୁ ନଗଦ ଏବଂ ଜିନିଷପତ୍ରରେ କନ୍ୟା ପାଉଥିବା ଏକ ଲକ୍ଷ ଟଙ୍କାର ପ୍ରଲୋଭନ ପାଇଁ ସେମାନେ ଏଭଳି କରିଥିଲେ।
ଏହି ବିବାହିତା ମହିଳାମାନେ ସେମାନଙ୍କର ଲୋଭରେ ସରକାରୀ ବ୍ୟବସ୍ଥାକୁ ଟାର୍ଗେଟ କରିଥିଲେ। ପ୍ରକୃତରେ, ଜିଲ୍ଲାର ୫୯୩ ଜଣ ଯୁବତୀ ମୁଖ୍ୟମନ୍ତ୍ରୀ ଗଣ ବିବାହ ଯୋଜନାର ଲାଭ ପାଇବା ପାଇଁ ଆବେଦନ କରିଥିଲେ। କିନ୍ତୁ, ଏକ ବିଭାଗୀୟ ତଦନ୍ତରୁ ଜଣାପଡିଛି ଯେ, ଛଅଟି ବ୍ଲକର ୬୯ ଜଣ ମହିଳା ବିବାହିତ ଥିଲେ। ବର୍ତ୍ତମାନ, ସେମାନଙ୍କ ଆବେଦନ ବାତିଲ କରାଯାଇଛି ଏବଂ ମାମଲାର ତଦନ୍ତ କରାଯାଉଛି।
55 Total Count