ବିଜେପି, ଶିବସେନା ଓ ଏନସିପି ମିଳିତ ଭାବେ ମହାରାଷ୍ଟ୍ରରେ ଗଠନ କରିଥିବା ମାହାୟୁତି ସରକାର ଏବେ ସିଟ ଶେୟାରିଂ ଫର୍ମୁଲାକୁ ନେଇ ଆଲୋଚନର ଆରମ୍ଭ କରିଛନ୍ତି। ଆଗାମୀ ବିଧାନସଭା ନିର୍ବାଚନ ପାଇଁ ୩ ଦଳ ମଧ୍ୟରେ ସିଟ ଶେୟାରିଂକୁ ନେଇ ଆଲୋଚନା ହୋଇଥିବା ଜଣାପଡ଼ିଛି ।
ମହାରାଷ୍ଟ୍ରର ୨୮୮ଟି ବିଧାନସଭା ଆସନରୁ ବିଜେପି ଏକାକୀ ୧୪୦ରୁ ୧୫୦ଟି ସିଟରେ ପ୍ରାର୍ଥୀ ଦେବ। ମୁଖ୍ୟମନ୍ତ୍ରୀ ଏକନାଥ ସିନ୍ଦେଙ୍କ ଶିବସେନାର ୮୦ଟି ଓ ଅଜିତ ପାୱାରଙ୍କ ଏନସିପି ସମ୍ଭବତଃ ୫୫ଟି ସିଟରେ ଲଢ଼ିବ। ସେହିପରି ୩ଟି ଆସନ ମେଣ୍ଟରେ ସାମିଲ ହୋଇଥିବା ଛୋଟ ଛୋଟ ଦଳଗୁଡ଼ିକ ମଧ୍ୟରେ ବଣ୍ଟାଯିବ ବୋଲି ସୂଚନା ରହିଛି ।
ମହାରାଷ୍ଟ୍ର ବିଧାନସଭା ନିର୍ବାଚନରେ ଏନଡିଏ ମାହାୟୁତି ମେଣ୍ଟର ମୁକାବିଲା ମହା ବିକାଶ ଅଘାଡ଼ି ସହ ହେବ। କଂଗ୍ରେସ, ଉଦ୍ଧବ ଠାକରେଙ୍କ ଶିବସେନା ଓ ଶରଦ ପାୱାରଙ୍କ ଏନସିପି ମିଳିତ ଭାବେ ଏମଭିଏ ଗଠନ କରିଛନ୍ତି। ନିକଟରେ ଶେଷ ହୋଇଥିବା ମହାରାଷ୍ଟ୍ର ଲୋକସଭା ନିର୍ବାଚନରେ ବିରୋଧୀ ମେଣ୍ଟ ୪୮ଟି ଆସନରୁ ୩୦ଟିରେ ବାଜିମାତ କରିଥିଲା। ମାହାୟୁତି କେବଳ ୧୭ଟି ଆସନ ଜିତିବାକୁ ସକ୍ଷମ ହୋଇଥିଲା।
3 Total Count