ବିମାନ ବାତିଲ ହେବା ଯୋଗୁଁ ନିଜ ରିସେପସନ ରେ ଯୋଗ ଦେଇପାରିନାହାନ୍ତି। ନଭେମ୍ବର ୨୩ରେ ଭୁବନେଶ୍ୱରରେ ବଡ ଧୂମଧାମରେ ଗୁଜୁରାଟ ହୁବଲିର ମେଧା କ୍ଷୀରସାଗର ଏବଂ ଭୁବନେଶ୍ୱରର ସଙ୍ଗମ ଦାସ ବିବାହ କରିଥିଲେ। ପରେ ବୁଧବାର ଦିନ କନ୍ୟାଙ୍କ ଜନ୍ମସ୍ଥାନ ହୁବୁଲିରେ ତାଙ୍କର ରିସେପ୍ସନ ହେବାର ଥିଲା।
କିନ୍ତୁ ଇଣ୍ଡିଗୋ ବିମାନର ସଙ୍କଟ ଯୋଗୁଁ ନବବିବାହିତ ଦମ୍ପତିଙ୍କୁ ସେମାନଙ୍କର ରିସେପ୍ସନରେ ଭର୍ଚୁଆଲ୍ ମାଧ୍ୟମରେ ଯୋଗ ଦେବାକୁ ପଡିଥିଲା ।ଦେଶର ସବୁଠାରୁ ବଡ଼ ବିମାନ କମ୍ପାନୀ ଇଣ୍ଡିଗୋର ସଙ୍କଟ ଯୋଗୁଁ ବିମାନ ଯାତ୍ରୀଙ୍କ ସମସ୍ୟା ବୃଦ୍ଧି ପାଇଛି। ଲୋକମାନେ କୌଣସି ସ୍ଥାନରୁ ଆସି ପାରୁନାହାଁନ୍ତି କିମ୍ବା କୌଣସି ସ୍ଥାନକୁ ଯାଇ ପାରୁନାହାଁନ୍ତି। ଏହାରି ଭିତରେ କର୍ଣ୍ଣାଟକର ହୁବଲିରେ ଏକ ଆଶ୍ଚର୍ଯ୍ୟକର ଘଟଣା ଘଟିଛି।
ଯେଉଁଠାରେ ଏକ ନବବିବାହିତ ଦମ୍ପତିଙ୍କୁ ସେମାନଙ୍କର ରିସେପ୍ସନରେ ଭର୍ଚୁଆଲ୍ ଭାବରେ ଯୋଗ ଦେବାକୁ ପଡିଥିଲା କାରଣ ସେମାନେ ଅନେକ ଇଣ୍ଡିଗୋ ବିମାନ ବାତିଲ ହେବା ଯୋଗୁଁ ସହରକୁ ଆସିପାରିନଥିଲେ।ବେଙ୍ଗାଲୁରୁର ସଫ୍ଟୱେର୍ ଇଞ୍ଜିନିୟର ଭାବରେ କାମ କରୁଥିବା ମେଧା କ୍ଷୀରସାଗର ଏବଂ ଭୁବନେଶ୍ୱରର ସଙ୍ଗମ ଦାସ ଉଭୟ ନଭେମ୍ବର ୨୩ ତାରିଖରେ ଭୁବନେଶ୍ବରରେ ବିବାହ କରିଥିଲେ।
ପରେ ଏହି ଦମ୍ପତ୍ତି କନ୍ୟାଙ୍କ ଜନ୍ମସ୍ଥାନ ହୁବଲିର ଗୁଜୁରାଟ ଭବନରେ ସେମାନଙ୍କର ରିସେପ୍ସନକୁ ଖୁବ ଧୁମଧାମରେ ଆୟୋଜନ କରିଥିଲେ। କିନ୍ତୁ ଇଣ୍ଡିଗୋ ଏୟାରଲାଇନ୍ସ ଅନେକ ଉଡ଼ାଣ ବାତିଲ କରିବା ପରେ ଏହି କାର୍ଯ୍ୟକ୍ରମ ରେ ସେମାନେ ପହଞ୍ଚିପାରିନଥିଲେ।
4 Total Count