ସକାଳୁ ସକାଳୁ ବର୍ଷାରେ ଭିଜିଲା ଟ୍ୱିନ୍ ସିଟି । କଟକ ଓ ଭୁବନେଶ୍ୱରରେ ତୁହାକୁ ତୁହା ବର୍ଷା ହେବାରୁ ରାଜଧାନୀ ଓ ରୌପ୍ୟନଗରୀର ପାଗ ସମ୍ପୂର୍ଣ୍ଣ ବଦଳିଯାଇଛି ।
ଗତ କିଛିଦିନ ଧରି ଅସହ୍ୟ ଗରମ ଓ ଗୁଳୁଗୁଳିରେ ଅସ୍ତବ୍ୟସ୍ତ ହେଉଥିବା ଲୋକଙ୍କୁ ଆଜିର ବର୍ଷା ବଡ଼ ଆଶ୍ୱସ୍ତି ଦେଇଛି । ସକାଳୁ ଆକାଶ ଘନ କଳା ବାଦଲରେ ଢାଙ୍କି ହୋଇଯିବା ପରେ ଆରମ୍ଭ ହୋଇଥିଲା ବର୍ଷା।
କିଛି ସମୟ ଧରି ଲଗାତାର ବର୍ଷା ହେବାରୁ ବିଭିନ୍ନ ଅଞ୍ଚଳର ରାସ୍ତାଘାଟ ଭିଜିଯାଇଥିଲା । ସକାଳ ଅଫିସ୍ ଓ ସ୍କୁଲ ସମୟ ଥିବାରୁ ଯାତାୟାତ ମଧ୍ୟ କିଛି ସମୟ ପାଇଁ ପ୍ରଭାବିତ ହୋଇଥିଲା ।
80 Total Count