ଗୋଟିଏ ପଟେ ଦେଶରେ ବିମାନ ଚଳାଚଳ କ୍ଷେତ୍ର ବୃଦ୍ଧି ପାଇବାରେ ଲାଗିଛି । ଅନ୍ୟପକ୍ଷେ କମ୍ ମୂଲ୍ୟରେ ସୁବିଧା ଯୋଗାଉଥବା ବିମାନ କମ୍ପାନୀଗୁଡିକର ଆର୍ଥିକ ଅବସ୍ଥା ଖରାପ ହେବାରେ ଲାଗିଛି । ପୂର୍ବରୁ ଗୋ ଫାଷ୍ଟ ଏୟାର ଲାଇନ୍ସ ନିଜକୁ ଦେଆଳିଆ ଘୋଷଣା କରିସାରଥିବା ବେଳେ ଏବେ ଏନସିଏଲଟି ସ୍ପାଇସ୍ ଜେଟକୁ ମଧ୍ୟ ନୋଟିସ ପଠାଇଛି । ସ୍ପାଇସ ଜେଟ ବିରୋଧରେ ଦେବାଳିଆ ଆଇନ ଅନୁସାରେ ଏନସିଏଲଟି ମେ ୧୭ରେ ଶୁଣାଣି କରିବ । NCLTର ଦୁଇ ସଦସ୍ୟ ବିଶିଷ୍ଟ ବେଞ୍ଚ ସ୍ପାଇସଜେଟକୁ ନୋଟିସ ପଠାଇଛି | ଏହି ବେଞ୍ଚରେ ଏନସିଏଲଟି ସଭାପତି ରାମଲିଙ୍ଗମ ସୁଧାକର ଅଧ୍ୟକ୍ଷତା କରିଥିଲେ। ଦେବାଳିଆ ନୋଟିସରେ ସ୍ପାଇସଜେଟର ମୁଖପାତ୍ର କହିଛନ୍ତି ଯେ ଏୟାରକଷ୍ଟେଲ ମାମଲାରେ ଏନସିଏଲଟି ଏହାକୁ ସାଧାରଣ ନୋଟିସ ପଠାଇଛି। ମାମଲାର ଖୁବଶୀଘ୍ର ସମାଧାନ ହେବା ନେଇ କମ୍ପାନୀ ଆଶା ରଖିଛି ।
116 Total Count