ଟୁଇଟର CEO ପଦରୁ ଇସ୍ତଫା ଦେବେ ଏଲନ୍ ମସ୍କ। ଏବେ ପ୍ରଶ୍ନ ଉଠୁଛି ଟୁଇଟରର ନୂଆ CEO
କିଏ ହେବେ? ମସ୍କ ନୂତନ ସିଇଓଙ୍କ ନାମ ଘୋଷଣା କରିନାହାଁନ୍ତି, କିନ୍ତୁ ଗୋଟିଏ ନାମକୁ ନେଇ ଅନେକ ଆଲୋଚନା ଜୋର୍। ଟୁଇଟରର ସିଇଓ ଲିଣ୍ଡା ୟାକାରିନୋଙ୍କୁ ଦିଆଯାଇପାରେ ।ଲିଣ୍ଡା ୟାକାରିନୋ ବର୍ତ୍ତମାନ NBC Universal’s Global Advertising and Partnershipର ଚେୟାରମ୍ୟାନ୍ ଅଛନ୍ତି । ଟ୍ୱିଟ୍ କରି ଏଲନ୍ ମସ୍କ କହିଛନ୍ତି, ‘ମୁଁ ଏକ୍ସ / ଟ୍ୱିଟରର ନୂତନ ସିଇଓଙ୍କୁ ନିଯୁକ୍ତ କରିଛି । ସେ ଆସନ୍ତା ୬ ସପ୍ତାହ ମଧ୍ୟରେ ନିଜର କାମ ଆରମ୍ଭ କରିବେ । ମୋର ଭୂମିକା Executive Chairman ଏବଂ CTO ହେବ। ମୁଁ ପ୍ରୋଜେକ୍ଚ, ସଫ୍ଟୱେର୍ ଏବଂ sysopsର କାର୍ଯ୍ୟ ଦେଖିବି ।
ତେବେ ଆସନ୍ତୁ ଜାଣିବା କିଏ ଲିଣ୍ଡା ୟାକାରିନୋ । ମିଡିଆ ଇଣ୍ଡଷ୍ଟ୍ରିର ସେ ଜଣାଶୁଣା ଚେହେରା। ଗତ ୨୦ ବର୍ଷ ଧରି NBC Universal ସହିତ ଜଡିତ ଥିଲେ ଏବଂ ଅନେକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ଏବେ ସେ NBC Universal’s Global Advertising and Partnership Businesses ପରିଚାଳନା କରୁଛନ୍ତି | ଲିଣ୍ଡାଙ୍କ ଲିଙ୍କଡିନ୍ ପ୍ରୋଫାଇଲ୍ ଅନୁଯାୟୀ, ସେ ପେନ୍ ଷ୍ଟେଟ୍ ୟୁନିଭରସିଟିରୁ ଲିବରାଲ୍ ଆର୍ଟ ଏବଂ ଟେଲିକମୁନିକେସନ୍ରେ ଅଧ୍ୟୟନ କରିଥିଲେ। ରିପୋର୍ଟ ଅନୁଯାୟୀ, ଲିଣ୍ଡା ପୂର୍ବରୁ ଟ୍ୱିଟର ସିଇଓ ହେବାକୁ ଇଚ୍ଛା ପ୍ରକାଶ କରିଥିଲେ। ତେବେ ଟ୍ୱିଟର ସିଇଓ ତାଲିକାରେ ଏଲା ଇରୱିନ୍ଙ୍କ ନାମ ମଧ୍ୟ ଆସୁଛି। ଏଲା ବର୍ତ୍ତମାନ ଟ୍ୱିଟରର ଟ୍ରଷ୍ଟ ଏବଂ ସୁରକ୍ଷା ବିଭାଗରେ କାର୍ଯ୍ୟ କରନ୍ତି।
ଗତ ବର୍ଷ ଟ୍ୱିଟର ଚୁକ୍ତି ଶେଷ ହେବା ପରେ ମସ୍କ ତତ୍କାଳୀନ ସିଇଓ ପାରାଗ ଅଗ୍ରୱାଲଙ୍କୁ କମ୍ପାନୀରୁ ବରଖାସ୍ତ କରିଥିଲେ। ସେବେଠାରୁ ସେ ନିଜେ ଟ୍ୱିଟର ସିଇଓଙ୍କ ଦାୟିତ୍ୱ ତୁଲାଉଥିଲେ। ତେବେ ଚଳିତ ବର୍ଷ ପ୍ରାରମ୍ଭରେ ସେ କହିଥିଲେ ଯେ, ଟ୍ୱିଟର ସିଇଓ ପାଇଁ ଉପଯୁକ୍ତ ବ୍ୟକ୍ତି ପାଇବା ମାତ୍ରେ ସେ ଏହି ପଦ ଛାଡିବେ।
69 Total Count