ନୃଶଂସ ହେଲେ ବାପା-ମା । ସାମାନ୍ୟ ଆଇଫୋନ ପାଇଁ ନିଜ ଛୁଆକୁ ବିକ୍ରି କରିଦେଲେ । ଏଭଳି ହୃଦୟବିଦାରକ ଘଟଣା ସାମ୍ନାକୁ ଆସିଛି ପଶ୍ଚିମବଙ୍ଗ ଉତ୍ତର ୨୪ ପରଗଣା ଜିଲ୍ଲା ସ୍ଥିତ ପାଣିହାଟୀ ଅଞ୍ଚଳରୁ । ଶିଶୁଟିର ବାପା ଜୟଦେବ ହୋଇଥିବା ବେଳେ ମା’ଙ୍କ ନାଁ ସାକ୍ଷୀ ବୋଲି ଜଣାପଡ଼ିଛି। ତେବେ ଶିଶୁକୁ କିଣିଥିବା ମହିଳା ପ୍ରିୟଙ୍କା ଘୋଷ । ପଡୋଶୀମାନେ ଏକ ପରିବାରର ଆଠ ମାସର ଶିଶୁ ନିଖୋଜ ହୋଇଯାଇଥିବାର ଦେଖିବାପରେ ଏହି ଘଟଣା ସାମ୍ନାକୁ ଆସିଥିଲା । ଶିଶୁଟିର ନିଖୋଜ ପରେ ଅଭିଭାବକ ଚିନ୍ତିତ ନ ଥିବା ନଜରକୁ ଆସିଥିଲା । ଏହା ବ୍ୟତୀତ ସେମାନଙ୍କ ପଖରୁ ଏକ ଆଇଫୋନ୍ ମୋବାଇଲ ଦେଖିବାକୁ ମିଳିଥିଲା। ଶିଶୁକୁ କିଣିଥିବା ମହିଳା ସମେତ ଶିଶୁଟର ବାପା ଓ ମା’କୁ ଗିରଫ କରିଛି ପୋଲିସ।
71 Total Count