ଭୁବନେଶ୍ବର, ୨୭ ଜାନୁଆରୀ ୨୦୧୪ : ୨୪ ଜାନୁୟାରୀ 2024 ରେ ଆମ ରାଜ୍ୟ ସରକାର ଓଡିଶା ଅଣୁ ଓ କ୍ଷୁଦ୍ର ଉଦ୍ୟୋଗମାନଙ୍କ ପାଇଁ (ଓଏସଏମଇ) ଓଡ଼ିଶା ଜନସାଧାରଣ କ୍ରୟ ଅଗ୍ରାଧୂକାର ନୀତି ୨୦୨୩ (ଓଡିଶା ପବ୍ଲିକ୍ ପ୍ରୋକ୍ୟାରମେଣ୍ଟ ପ୍ରିଫରେନ୍ସ ପଲିସି 2023)କୁ ଲାଗୁ କରିଛନ୍ତି ଯାହା ଏକ ସହାୟକ, ସକ୍ରିୟ, ପ୍ରଗତିଶୀଳ ଏବଂ ଭବିଷ୍ୟତକୁ ଲକ୍ଷରେ ରଖ୍ ଲାଗୁ କରାଯାଇଥିବା ବହୁ ପ୍ରତିକ୍ଷିତ ନୀତି ଯାହା ସେମାନଙ୍କୁ ରାଜ୍ୟର ଭବିଷ୍ୟତର ଅଭିବୃଦ୍ଧିର ପଥରେ ରଖୁବାକୁ ସହାୟକ ହେବ |
ଦୀର୍ଘ ୮ ବର୍ଷର ଅପେକ୍ଷା ପରେ ଏହି ନୀତି ଦିନର ଆଲୋକ ଦେଖୁଛି ଏବଂ ଆମେ ସମସ୍ତ ଏମଏସଏମଇ ସଦସ୍ୟବୃନ୍ଦଙ୍କ ତରଫରୁ ଆମର ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ର ନବୀନ ପଟନାୟକ, ଏମଏସଏମଇ ବିଭାଗର ମନ୍ତ୍ରୀ ଶ୍ରୀ ପ୍ରତାପ କେଶରୀ ଦେବ, ଏମଏସଏମଇ ବିଭାଗର ପ୍ରମୁଖ ସଚିବ ଶ୍ରୀଯୁକ୍ତ ଶାଶ୍ବତ ମିଶ୍ର ତଥା ବିଭାଗର ଅନ୍ୟ ସମସ୍ତ ଅଧିକାରୀଙ୍କୁ ଧନ୍ୟବାଦ ଅର୍ପଣ କରୁଛୁ।
ଓଡ଼ିଶା ଜନସାଧାରଣ କ୍ରୟ ଅଗ୍ରାଧୂକାର ନୀତି ୨୦୨୩ର ପ୍ରମୁଖ ବୈଶିଷ୍ଟ୍ୟ ଗୁଡିକ:
1. ନୀତିର ମୁଖ୍ୟ ଧ୍ୟାନ ହେଉଛି ରାଜ୍ୟର ସ୍ଥାନୀୟ ଅଣୁ ଓ କ୍ଷୁଦ୍ର ଉତ୍ପାଦନ ଉଦ୍ୟୋଗ ଦ୍ବାରା ଉତ୍ପାଦିତ ସମସ୍ତ ସାମଗ୍ରୀ କ୍ରୟ କରିବା |
2. ରାଜ୍ୟ ସରକାରଙ୍କ ରେଟ୍ କଣ୍ଟ୍ରାକ୍ଟ ନିୟମ ୨୦୧୪ ରେ ଅନୁର୍ଭୁକ୍ତ, ରପ୍ତାନି ପ୍ରୋତ୍ସାହନ ଏବଂ ମାର୍କେଟିଂ ନିର୍ଦ୍ଦେଶାଳୟ ଦ୍ବାରା ଧାର୍ଯ୍ୟ କରାଯାଇଥିବା ରେଟ୍ କଣ୍ଟ୍ରାକ୍ଟ ହୋଲିଂ ୟୁନିଟ୍ ଗୁଡିକଠାରୁ ବାଧ୍ୟତାମୂଳକ ଭାବେ କ୍ରୟ କରାଯିବ ।
3. ସୀମିତ ଟେଣ୍ଡର ମାଧ୍ଯମରେ ସ୍ଥାନୀୟ ଓଡିଶା ଅଣୁ ଓ କ୍ଷୁଦ୍ର ଉତ୍ପାଦନ ଉଦ୍ୟୋଗରୁ ସ୍ବତନ୍ତ୍ର ଭାବେ କ୍ରୟ କରାଯିବାକୁ ଥିବା ଷ୍ଟୋର ଆଇଟମଗୁଡିକର ଏକ ତାଲିକାକୁ ସରକାର ଅବଗତ କରାଇବା ପ୍ରକ୍ରିୟାରେ ଅଛନ୍ତି ଏବଂ ଯାହାକୁ ଖୋଲା ଟେଣ୍ଡର ମାଧ୍ୟମରେ କ୍ରୟ କରାଯିବ ନାହିଁ ।
4. ରେଟ୍ କଣ୍ଟ୍ରାକ୍ଟ ଏବଂ ଏକ୍ସକ୍ଲୋସିଭ୍ ତାଲିକାରେ ଅନୁର୍ଭୁକ୍ତ ହୋଇନଥିବା ଦ୍ରବ୍ୟର କ୍ରୟ ଖୋଲା ଟେଣ୍ଡରରେ ଅଂଶଗ୍ରହଣ କରୁଥିବା ଓଡିଶା ଅଣୁ ଓ କ୍ଷୁଦ୍ର ଉତ୍ପାଦନ ଉଦ୍ୟୋଗକୁ ମୂଲ୍ୟ ଏବଂ କ୍ରୟ ଅଗ୍ରାଧ୍କାର ପ୍ରଦାନ କରି ଖୋଲା ଟେଣ୍ଡର ପ୍ରକ୍ରିୟା ମାଧ୍ଯମରେ କରାଯିବ |
ବର୍ତ୍ତମାନର ଅଣୁ ଓ କ୍ଷୁଦ୍ର ଉତ୍ପାଦନ ଉଦ୍ୟୋଗଗୁଡ଼ିକୁ ଉତ୍ସାହିତ କରିବାରେ ସରକାରଙ୍କ ଏହି ବହୁ ପ୍ରତିକ୍ଷିତ ନୀତି ନିଶ୍ଚିତ ଭାବରେ ଏକ ଦୀର୍ଘ ରାସ୍ତା ଅତିକ୍ରମ କରିବ ଏବଂ ଏହା ମଧ୍ୟ ସ୍ଥାନୀୟ ଉଦ୍ୟୋଗୀମାନଙ୍କର ଏକ ଦୀର୍ଘ ଦିନର ଚାହିଦା ପୂରଣ କରିବାରେ ସଫଳ ହୋଇଛି |
ଜଏଣ୍ଟ ଆକ୍ସନ କମିଟି ଅଫ ଇଣ୍ଡଷ୍ଟ୍ରି ଆସୋସିଏସନସ ତରଫରୁ ଓସିଆର ଅଧ୍ଯକ୍ଷ ସ୍ମରଜିତ ମହାନ୍ତି, ଓସମେର ମହାସଚିବ ସାତ୍ରିକ ସ୍ବାଇଁ, ଓଇଆର ଅଧ୍ଯକ୍ଷ ଅବନୀ କାନୁନଗୋ, ଓଇଆର ମହାସଚିବ ବିଜୟ କୁମାର ମହାନ୍ତି, ଉପମାର ଅଧ୍ଯକ୍ଷ ସୁବ୍ରତ ଗରାବଡୁ ରାଜ୍ୟ ସରକାରଙ୍କ ଏହି ପଦକ୍ଷେପକୁ ସ୍ବାଗତ କରିଛନ୍ତି ।
98 Total Count