“ପ୍ରାଣୀଙ୍କ ଆରତ ଦୁଃଖ ଅପ୍ରମିତ ଦେଖୁ ଦେଖୁ କେବା ସହୁ । ମୋ ଜୀବନ ପଛେ ନର୍କେ ପଡ଼ିଥାଉ ଜଗତ ଉଦ୍ଧାର ହେଉ” । ଏ ମନ୍ତ୍ର ନେଇ ଅନୁଗୁଳ ରାଜନୀତି ଆକାଶରେ ନୂଆ କାହାଣୀ ଲେଖିଥିବା ଜନପ୍ରିୟ ନେତା ତଥା ଅତି ଆପଣାର ଛେଣ୍ଡିପଦା ବିଧାୟକ ଅଗସ୍ତି ବେହେରା । ସମସ୍ୟାରେ ଜର୍ଜରିତ ଛେଣ୍ଡିପଦାକୁ ଏକ ନୂଆ ସୋପାନରେ ପ୍ରବେଶ କରାଇ ବିକାଶର ନୂଆ ଉଡାଣ ଭରିବାକୁ ଉଦ୍ୟମରତ ବିଧାୟକ ହେଉଛନ୍ତି ଶାନ୍ତ, ସରଳ ଅଗସ୍ତି ବେହେରା । 2024 ସାଧାରଣ ନିର୍ବାଚନରେ ଐତିହାସିକ ବିଜୟ ହାସଲ କରି ରେକର୍ଡ କରିବା ସହ ସମସ୍ତଙ୍କୁ ସାଙ୍ଗରେ ନେଇ ସେ ଆଗେଇ ଚାଲିଛନ୍ତି । ତାଙ୍କ କାର୍ଯ୍ୟଶୈଳୀ ଓ ସେବା ମନୋଭାବ ପାଇଁ ଇଣ୍ଟରଭ୍ୟୁ ଟାଇମ୍ସ ତରଫରୁ ତାଙ୍କୁ ଶ୍ରେଷ୍ଠ ବିଧାୟକ ଭାବେ ମନୋନୀତ କରାଯାଇଛି । ଆସନ୍ତା 25 ତାରିଖରେ ମାନ୍ୟବର ରାଜ୍ୟପାଳ ମହୋଦୟ ତାଙ୍କୁ ଏହି ସମ୍ମାନରେ ସମ୍ମାନିତ କରିବା କାର୍ଯ୍ୟକ୍ରମ ରହିଛି ।
ଛେଣ୍ଡାପଦା ରାଜନୀତିରେ ଓ୍ୱାନ୍ ପିସ୍ ଲିଡର୍ ଅଗସ୍ତି ବେହେରା । ଲୋକନୀତିରେ ଯେତିକି ଚର୍ଚ୍ଚିତ, ରାଜନୀତିରେ ସେତିକି ଧୂରୀଣ । ସାନରୁ ବଡ ସମସ୍ତଙ୍କୁ ସାଙ୍ଗରେ ନେଇ ଚାଲନ୍ତି । ଖଣିଖାଦାନ ଦୃଷ୍ଟିରୁ ରାଜ୍ୟରେ ଛେଣ୍ଡିପଦାର ବିଶେଷ ଗୁରୁତ୍ବ ରହିଛି । ଏହି ମାଟିରୁ ପୂର୍ବ ସରକାର ଯେତିକି ରାଜସ୍ବ ନେଉଥିଲେ ଲୋକଙ୍କୁ ସେତିକି ଭେଟିଦେବାରେ ବିଫଳ ହେଉଛନ୍ତି । ରତ୍ନଗର୍ଭା ହୋଇ ବି ଛେଣ୍ଡିପଦା ମାଟି ଥିଲା ଗରିବୀର ପରିଚୟ । ଛେଣ୍ଡିପଦାର ବିକାଶକୁ ତତ୍କାଳୀନ ସରକାର ଗୁରୁତ୍ବ ନଦେବା ବେଶୀ ବାଧିଥିଲା ମାଟିର ପୁଅ ଅଗସ୍ତିଙ୍କୁ । ଏଣୁ ବିଜେଡି ବିରୋଧରେ ରଣହୁଙ୍କାର ଦେବା ସହ ମାଟିମାଆ ପାଇଁ ଜୋରଦାର ଲଢେଇ କରିଥିଲେ । ବିପର୍ଯ୍ୟସ୍ତ ସ୍ବାସ୍ଥ୍ୟ, ଶିକ୍ଷା, ପାନୀୟ ଜଳ ଓ ମୋଳିକ ସେବା ପାଇଁ ଲଢେଇ କରିଥିଲେ । ଚାଷୀ, ଯୁବକ, ମହିଳା ଓ ଛାତ୍ରଛାତ୍ରୀଙ୍କ ସ୍ବର ସାଜି ଘରେ ଘରେ ପହଞ୍ଚିଥିଲେ । ଶେଷରେ କ୍ରୀତଦାସ ବନାମ ସ୍ବାଭିମାନ ଲଢେଇରେ ଅସ୍ମିତାର ବିଜୟ ଘଟି ଅଗସ୍ତିକୁ ଭରସା କରିଥିଲେ ଛେଣ୍ଡିପଦାବାସୀ ।
କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଖାସ୍ ଭାବେ ପରିଚିତ ଅଗସ୍ତି । ନିର୍ବାଚନ ଜିତିବା ପରଠୁ ସବୁବେଳେ ସେ ବିକାଶକୁ ପ୍ରାଧାନ୍ୟ ଦେଇଆସିଛନ୍ତି । ସବୁଦିନ ବିଭିନ୍ନ ଅଞ୍ଚଳ ଗସ୍ତ କରି ଲୋକଙ୍କ ସୁଖଦୁଃଖର ସାଥୀ ସାଜିଛନ୍ତି । ମୌଳିକ ସମସ୍ୟାର ସମାଧାନ ପାଇଁ ଅହର୍ନିଶି ଉଦ୍ୟମ କରୁଛନ୍ତି ଅଗସ୍ତି । ମୁଖ୍ୟମନ୍ତ୍ରୀଙ୍କ ପାଖରେ ଛେଣ୍ଡିପଦାବାସୀଙ୍କ ଦାବି ରଖିବା ସହ ଲୋକଙ୍କ ଆବଶ୍ୟକତା ପୂରଣ ପାଇଁ ପଦକ୍ଷେପ ନେଉଛନ୍ତି । ଲଗାତାର ଉନ୍ନୟନ କାର୍ଯ୍ୟର ସମୀକ୍ଷା କରି ବାବୁଙ୍କୁ ବିକାଶର ହିବାସ ମାଗୁଛନ୍ତି । ଛେଣ୍ଡିପଦାରେ ସମସ୍ତଙ୍କ ମୁଣ୍ଡକୁ ପକ୍କା ଘର, ଗାଁକୁ ପାଣି, ରାସ୍ତା, ବିଜୁଳି ସହ ରୋଜଗାର ଯୋଗାଇଦେବାକୁ ସ୍ଥାନୀୟ ପ୍ରଶାସନକୁ ନିର୍ଦ୍ଦେଶ ଦେଇଛନ୍ତି ।
ଅଗସ୍ତିଙ୍କ ମନ୍ତ୍ର ହେଉଛି- ବିକାଶ କାର୍ଯ୍ୟରେ ସାଲିସ୍ ହେବନି କି ଦୁର୍ନୀତିକୁ ପ୍ରୋତ୍ସାହନ ଦିଆଯିବନି । ଦୁର୍ନୀତିଖୋର ଅଧିକାରୀଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେବାକୁ ସେ କଡ଼ା ନିର୍ଦ୍ଦେଶ ମଧ୍ୟ ଦେଇଛନ୍ତି । ଛେଣ୍ଡିପଦାର ବିକାଶ ପାଇଁ ଅର୍ଥର ଅଭାବ ରହିବ ନାହିଁ । କୌଣସି ଦଳ ନୁହେଁ କି ଦଳୀୟ କର୍ମୀଙ୍କ ନୁହେଁ ବରଂ ସମସ୍ତଙ୍କ କାମ ହେବ ବୋଲି ପ୍ରତିଶ୍ରୁତି ଦେଇ ବିରୋଧୀଙ୍କର ବି ମନ ଜିଣିଛନ୍ତି ଅଗସ୍ତି । ସେହିଭଳି ବିଧାନସଭାରେ ସେ ଛେଣ୍ଡିପଦାବାସୀଙ୍କ ସ୍ବର ଉଠାଇ କଡା ଜବାବ ମାଗିଛନ୍ତି । ଚାଷୀଙ୍କ ପାଇଁ ଜଳସେଚନ ସୁବିଧା ସହ ଅନ୍ୟାନ୍ୟ ପ୍ରସଙ୍ଗରେ ମନ୍ତ୍ରୀଙ୍କଠୁ ଉତ୍ତର ଆଦାୟ କରି ବେଶ୍ ଚର୍ଚ୍ଚାରେ ରହିଛନ୍ତି ।
ଓଡ଼ିଶା ରାଜନୀତିରେ ଭାରତୀୟ ଜନତା ପାର୍ଟିର ଜଣେ ସଚ୍ଚା କର୍ମୀ ଭାବରେ ସକ୍ରିୟ ଅଗସ୍ତି ବେହେରା । ତାଙ୍କ ନେତୃତ୍ବ ଆଉ ଆନୁଗତ୍ୟ ପାଇଁ ୨୦୨୪ ମସିହା ଓଡ଼ିଶା ବିଧାନ ସଭା ନିର୍ବାଚନରେ, ସେ ବିଜେପିର ପ୍ରାର୍ଥୀ ଭାବରେ ଛେଣ୍ଡିପଦା ବିଧାନ ସଭା ନିର୍ବାଚନ ମଣ୍ଡଳୀରୁ ନିର୍ବାଚନ ଲଢ଼ିଥିଲେ । ଏହି ନିର୍ବାଚନରେ, ସେ ସମୁଦାୟ ୯୩,୬୨୯ ଖଣ୍ଡ ଭୋଟ୍ ପାଇଥିଲେ ଏବଂ ତାଙ୍କର ନିକଟତମ ପ୍ରତିଦ୍ୱନ୍ଦୀ ବିଜୁ ଜନତା ଦଳର ପାର୍ଥୀ ସୁଶାନ୍ତ କୁମାର ବେହେରାଙ୍କୁ ୧୫,୦୬୩ ଖଣ୍ଡ ଭୋଟ୍ରେ ପରାସ୍ତ କରି ୧୭ଶ ଓଡ଼ିଶା ବିଧାନ ସଭାକୁ ନିର୍ବାଚିତ ହୋଇଛନ୍ତି । ଆଗକୁ ମଧ୍ୟ ତାଙ୍କର ଏହି ସଫଳ ରାଜନୈତିକ ଯାତ୍ରା ଜାରି ରହୁ ଏବଂ ଲୋକଙ୍କୁ ସେବା ଯୋଗାଇଦିଅନ୍ତୁ ବୋଲି ଇଣ୍ଟରଭ୍ୟୁ ଟାଇମ୍ସ ତରଫରୁ ମହାପ୍ରଭୁ ଜଗନ୍ନାଥଙ୍କ ପାଖରେ ପ୍ରାର୍ଥନା କରୁଛୁ…..
72 Total Count