ଆସୋସିଏସନ ଫର ଡେମୋକ୍ରାଟିକ୍ ରିଫର୍ମସ୍ (ଏଡିଆର) ର ଏକ ରିପୋର୍ଟରେ କୁହାଯାଇଛି ଯେ, ବର୍ତ୍ତମାନର ସମସ୍ତ ସିଏମ୍ ମଧ୍ୟରେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ହେଉଛନ୍ତି ତୃତୀୟ ଧନୀ ବ୍ୟକ୍ତି।
ଆନ୍ଧ୍ରପ୍ରଦେଶର CM ଦେଶର ସବୁଠାରୁ ଧନୀ ୫୧୦ କୋଟି ଟଙ୍କା ଥିବାବେଳେ ଅରୁଣାଚଳ ପ୍ରଦେଶ CM ଦ୍ୱିତୀୟ ଧନୀ। ରିପୋର୍ଟ ଅନୁଯାୟୀ, ପଟ୍ଟନାୟକଙ୍କ ସମ୍ପତ୍ତି ୬୩. ୮୭ କୋଟି ଟଙ୍କା ରହିଛି, ଯେଉଁଥିରେ ସ୍ତାବର ୨୩,୨୬,୫୫୫ ଟଙ୍କା ଏବଂ ଅସ୍ଥାବର ସମ୍ପତ୍ତି ୬୩,୬୪,୧୫, ୨୬୧ ଟଙ୍କା ରହିଛି।
ଏହି ରିପୋର୍ଟରେ ଆହୁରି ମଧ୍ୟ କୁହାଯାଇଛି ଯେ ପଟ୍ଟନାୟକଙ୍କ ସ୍ୱୟଂ ଆୟ ୨୧. ୧୭ ଲକ୍ଷ ଏବଂ ୧୫ ଲକ୍ଷ ଟଙ୍କା ଋଣ ରହିଛି।
ରିପୋର୍ଟ ମୁତାବକ, ଆନ୍ଧ୍ରପ୍ରଦେଶର ସିଏମ ଜଗନ୍ ମୋହନ ରେଡ୍ଡୀ, ୫୧୦ କୋଟିରୁ ଅଧିକ ସମ୍ପତ୍ତି ସହିତ ମୁଖ୍ୟମନ୍ତ୍ରୀଙ୍କ ମଧ୍ୟରେ ସବୁଠାରୁ ଧନୀ, ତା’ପରେ ଅରୁଣାଚଳ ପ୍ରଦେଶର ସିଏମ୍ ପେମା ଖାଣ୍ଡୁ ଦ୍ୱିତୀୟ ସ୍ଥାନରେ ୧୬୩ କୋଟିରୁ ଅଧିକ ଟଙ୍କାର ମାଲିକ ଅଟନ୍ତି।
ପଟ୍ଟନାୟକ ଗତ ବର୍ଷ ତାଙ୍କର ସ୍ଥାବର ତଥା ଅସ୍ଥାବର ସମ୍ପତ୍ତିର ବିବରଣୀ ଘୋଷଣା କରିଥିଲେ।
ଡିସେମ୍ବର ୩୧, ୨୦୨୧ ସୁଦ୍ଧା ପଟ୍ଟନାୟକଙ୍କ ବ୍ୟାଙ୍କ ବାଲାନ୍ସ ୯୪.୪୧ ଲକ୍ଷ ଟଙ୍କା ଥିଲା।
ତାଙ୍କର ଏସବିଆଇର ଜନପଥ, ନୂଆଦିଲ୍ଲୀ ଶାଖା, ସଂସଦ ଗୃହ ଶାଖା, ଭୁବନେଶ୍ୱର ଶାଖା ଏବଂ ତିନୋଟି ମିଳିତ ଆକାଉଣ୍ଟ (ହିଞ୍ଜିଲିକାଟୁ କଲେଜ କ୍ୟାମ୍ପସ ଶାଖାରେ ଦୁଇଟି, ଗଞ୍ଜାମ ଏବଂ ପଦ୍ମପୁର ଶାଖାରେ ଗୋଟିଏ, ସାଧାରଣ ନିର୍ବାଚନ ଉଦ୍ଦେଶ୍ୟରେ) ବ୍ୟାଙ୍କ ଆକାଉଣ୍ଟ ରହିଛି।
ଚଳପ୍ରଚଳ ସ୍ଥାବର ସମ୍ପତ୍ତିରେ ୫୦୩୩ ଟଙ୍କା ପୋଷ୍ଟ ଅଫିସ୍ ସଞ୍ଚୟ, ୧.୧୧ କୋଟି ଟଙ୍କାର ଜମା, ୯ କୋଟି ଟଙ୍କାର ଆରବିଆଇ ବଣ୍ଡ, ୧ କୋଟି ଟଙ୍କାର ଡାକଘର ଟର୍ମ ଜମା, ୩.୪୫ ଲକ୍ଷ ଟଙ୍କା ମୂଲ୍ୟର ଅଳଙ୍କାର ଏବଂ ୬୪୩୪ ଟଙ୍କା ମୂଲ୍ୟର ଆମ୍ବାସାଡର କାର (୧୯୮୦ ମଡେଲ) ଅନ୍ତର୍ଭୁକ୍ତ। ।
ପଟ୍ଟନାୟକଙ୍କ ଅସ୍ଥାବର ସମ୍ପତ୍ତିରେ ‘ନବୀନ ନିବାସ‘ର ଦୁଇ ତୃତୀୟାଂଶ ଅଂଶ ୯,୫୨,୪୬,୧୯୦ ଟଙ୍କା (ପ୍ରାୟ) ଏବଂ ସମ୍ପତ୍ତିର ୫୦ % ଅଂଶ, ନୂଆଦିଲ୍ଲୀର ଡ. ଏପିଜେ ଅବଦୁଲ କଲାମ ରୋଡରେ ପାଖାପାଖି ୪୩,୩୬,୧୮,୦୦୦ ଟଙ୍କା (ପାଖାପାଖି) )ଉଭୟ ଉତ୍ତରାଧିକାରୀ ସୂତ୍ରରୁ ପ୍ରପ୍ତ ସମ୍ପତ୍ତି ଅଟେ।
35 Total Count