ନାଲ୍କୋର ୪୨ତମ ବାର୍ଷିକ ସାଧାରଣ ବୈଠକ ଭର୍ତୁଆଲ ମୋଡ଼ରେ ଅନୁଷ୍ଠିତ ହୋଇଯାଇଛି। କମ୍ପାନୀର ଅଂଶଧନଧାରୀମାନେ ଆର୍ଥିକ ବର୍ଷ ୨୦୨୨ -୨୩ ନିମନ୍ତେ ୧୪,୧୪୧ କୋଟି ଟଙ୍କାର ବିକ୍ରୟ କାରବାର ସହ ୧,୫୪୪ କୋଟିର ଲାଭାଂଶ ଏବଂ ୪,୨୧୭ କୋଟି ଟଙ୍କାର ରପ୍ତାନି କାରବାର ସମ୍ବନ୍ଧୀୟ ବାର୍ଷିକ ହିସାବ ଅନୁମୋଦନ କରିଛନ୍ତି । ଏଥୁସହ ଇକ୍ଵିଟି ସେୟାର ପିଛା ଟ.୧ ।- ହିସାବରେ ୨୦% ଚୁଡ଼ାନ୍ତି ଲାଭାଂଶକୁ ମଧ୍ୟ ଅନୁମୋଦନ କରିଛନ୍ତି। ଉଲ୍ଲେଖଯୋଗ୍ୟ ଯେ, ଆର୍ଥିକ ବର୍ଷ ୨୦୨୨ – ୨୩ ରେ କମ୍ପାନୀ ସମୁଦାୟ ୯୧୮.୩୨ କୋଟି ଟଙ୍କାର ଲାଭାଂଶ ପ୍ରଦାନ କରିଛି।
ଆର୍ଥିକ ବର୍ଷ ୨୦୨୨ – ୨୩ ରେ ନାଲ୍କୋ ସର୍ବକାଳିନ ରେକର୍ଡ ବକ୍ସାଇଟ ଉତ୍ତୋଳନ କରିବା ସହ ୨୧.୩ ଲକ୍ଷ ଟନ ଆଲୁମିନା ହାଇଡ୍ରେଟ ଉତ୍ପାଦନ କରିଛି ଯାହା ଉତ୍ପାଦନ କ୍ଷମତା ବିନିଯୋଗର ୧୦୧.୧% ଅଟେ। ସେହିପରି ନାଲ୍କୋସର୍ବମୋଟ ୪.୬୪ ଲକ୍ଷ ଟନର ଧାତୁ ବିକ୍ରୟ ସହ ଘରୋଇ ବଜାର ରେ ସର୍ବକାଳିନ ରେକର୍ଡ ଧାତୁ ବିକ୍ରି କରିପାରିଛି। କାରଖାନାର ଯନ୍ତ୍ରାଂଶ ଗୁଡ଼ିକସଠିକ ରକ୍ଷଣା ବେକ୍ଷଣ ଯୋଗୁଁ ଚାରି ଦଶନ୍ଧିରୁ ଅଧିକ ହୋଇଥିଲେ ମଧ୍ୟ ପୂର୍ଣ୍ଣ କ୍ଷମତାର ଉର୍ଦ୍ଧରେ କାର୍ଯ୍ୟ କରିବା ସହ ଆଶାନ୍ବିତ ଉତ୍ପାଦନ ହାସଲ କରିପାରିଛି।
ଏହି ଅବସରରେ ନାଲ୍କୋର ଅଧ୍ୟକ୍ଷ ଶ୍ରୀ ଶ୍ରୀଧର ପାତ୍ର ଅଂଶଧନଧାରୀମାନଙ୍କୁ ସମ୍ବୋଧୃତ କରି ସେମାନଙ୍କ ନିରନ୍ତର ବିଶ୍ଵାସ ଓ ନାଲ୍କୋ ସମୁଦାୟର ସହଯୋଗ ବଳରେ କମ୍ପାନୀ ଉଭୟ ଉତ୍ପାଦନ ଓ ବ୍ୟବସାୟିକ ସଫଳତା ହାସଲ କରିପାରିଛି ବୋଲି କହିଛନ୍ତି। ଶ୍ରୀ ପାତ୍ର ଆହୁରି ମଧ୍ୟ କହିଛନ୍ତି ଯେ ଉତ୍ପାଦନ ଖର୍ଚ୍ଚରେ ବୃଦ୍ଧି, ବିଶ୍ବ ବଜାରରେ ଯୋଗାଣ-ଚାହିଦା ଅସ୍ଥିରତା ଏବଂ ବ୍ୟବସାୟିକ ମାନ୍ଦା ଅବସ୍ଥା ଯୋଗୁଁ ନାଲ୍କୋର ଲାଭ କିଛି ମାତ୍ରାରେ ପ୍ରଭାବିତ ହୋଇଛି । ଏ ସମସ୍ତ ଅସୁବିଧା ସତ୍ତ୍ବେ ଆର୍ଥିକ ବର୍ଷ ୨୦୨୨-୨୩ରେ କମ୍ପାନୀ ଆଶାନ୍ବିତ ସଫଳତା ହାସଲ କରି ପାରିଛି।
ଆଲୁମିନିୟମ ମୂଲ୍ୟ ଶୃଙ୍ଖଳରେ ଆତ୍ମନିର୍ଭରଶୀଳତା ପାଇଁ ଏହାର ସୁଚିନ୍ତିତ ରଣନୀତି ସହିତ ଆମ ଦେଶର ପ୍ରଗତିରେ ଭାଗୀଦାର ହେବା କ୍ଷେତ୍ରରେ ନାଲ୍କୋ ସର୍ବଦା ଆଗରେ ରହି ଆସିଛି। ସର୍ବନିମ୍ନ ଉତ୍ପାଦନ ଖର୍ଚ୍ଚରେ ବକ୍ସାଇଟ ଓ ଆଲୁମିନା ଉତ୍ପାଦକ ହେବାର ବିଶ୍ବ ମୁକୁଟ ନାଲ୍କୋ ପାଖରେ ରହିଛି। ବର୍ତ୍ତମାନ ସମୟରେ କମ୍ପାନୀ ଏହାର ୫ ମଷ୍ଟ୍ରିମ୍ବି ଫାଇନାରୀ ପ୍ରକଳ୍ପର ତ୍ଵରିତ ସମାପ୍ତି ଏବଂ ପୋଟାଙ୍ଗି ବକ୍ସାଇଟ୍ଲାଇନ୍ସର ବିକାଶ ଏବଂ ଓଡ଼ିଶାରେ କମ୍ପାନୀର ଅବଶିଷ୍ଟ ଆବଣ୍ଟିତ କୋଇଲା ବ୍ଲକକୁ କାର୍ଯ୍ୟକ୍ଷମ କରିବା ଉପରେ ଗୁରୁତ୍ଵ ଦେଉଛି ବୋଲି ଶ୍ରୀପାତ୍ର କହିଛନ୍ତି।
ନାଲକୋ କର୍ମଚାରୀଙ୍କ ଉତ୍ସର୍ଗୀକୃତତା ଏବଂ ପ୍ରତିବଦ୍ଧତା ହେଉଛି ଯେ କମ୍ପାନୀ ଅତୁଳନୀୟ କାର୍ଯ୍ୟଦକ୍ଷତା ହାସଲ କରିବ ଯାହା ଦେଶର ସାମଗ୍ରିକ ପ୍ରଗତି ତଥା ସମାଜର ଅଭିବୃଦ୍ଧିରେ ସହାୟକ ହେବ ଏବଂ କମ୍ପାନୀର ହିତାଧିକାରୀଙ୍କୁ ଦୀର୍ଘକାଳୀନ ମୂଲ୍ୟ ପ୍ରଦାନ କରିବ ବୋଲି ଶ୍ରୀ ପାଟ୍ରା କହିଛନ୍ତି।
39 Total Count