ବିଜେଡିରେ ସାମିଲ ଖଡ଼ିଆଳ ବିଧାୟକ ଅଧିରାଜ ପାଣିଗ୍ରାହୀ। ୭୪ ଜଣ ନିର୍ବାଚିତ ପ୍ରତିନିଧି ବି ବିଧିବଦ୍ଧ ଭାବେ ମିଶିଛନ୍ତି ବିଜୁ ଜନତା ଦଳରେ। ସେମାନଙ୍କ ମଧ୍ୟରେ ଅଛନ୍ତି ୪୦ ଜଣ ସରପଞ୍ଚ ଓ ୩୪ ଜଣ ସମିତି ସଭ୍ୟ। ନୂଆପଡ଼ା ଜିଲ୍ଲାର ଶତାଧିକ ନେତା ଓ କର୍ମୀ ବିଶାଳ ଶୋଭାଯାତ୍ରାରେ ଆସି ଶଙ୍ଖ ଭବନରେ ପହଞ୍ଚିବା ପରେ ହୋଇଥିଲା ମିଶ୍ରଣ ପର୍ବ। ରାଜ୍ୟସଭା ସାଂସଦ ମାନସ ମଙ୍ଗରାଜ, ମହିଳା ବିଜେଡି ସଭାନେତ୍ରୀ ସ୍ନେହାଙ୍ଗିନୀ ଛୁରିଆ ବିଜେଡ଼ି ଉତ୍ତରୀୟ ପକାଇ ଦଳକୁ ସ୍ବାଗତ କରିଥିଲେ । ପରେ ବିଜେଡ଼ି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ବିଧାୟକ ଅଧିରାଜଙ୍କ ସହ ଖଡ଼ିଆଳର ନିର୍ବାଚି୍ତ ପ୍ରତିନିଧ ଓ କର୍ମୀଙ୍କୁ ବିଜେଡ଼ିକୁ ସ୍ବାଗତ କରିଥିଲେ । ଦଳରେ ସାମିଲ ହେବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ 5ଟି ଅଧକ୍ଷ କାର୍ତ୍ତିକ. ପାଣ୍ଡିଆନଙ୍କୁ ଧନ୍ୟବାଦ ଦେଇଛନ୍ତି ଅଧିରାଜ । ବିକଶିତ ଓଡିଶା ଓ ନୂଆ ଓଡିଶା ସଂକଳ୍ପ ଯାତ୍ରାରେ ତାଙ୍କୁ ସାମିଲ କରିଥିବାରୁ ସେ ବିଜେଡି ସୁପ୍ରିମୋଙ୍କୁ କୃତଜ୍ଞତା ଜଣାଇଥିଲେ ନିଜ ଅଭିଭାଷଣରେ । ଏହାସହ ବିରୋଧୀ ଦଳର ବିଧାୟକ ହୋଇଥିଲେ ମଧ୍ୟ ଖଡ଼ିଆଳବାଦୀଙ୍କ ସବୁଦାବିକୁ ମୁଖ୍ୟମନ୍ତ୍ରୀ ପୂରଣ କରିଛନ୍ତି ବୋଲି ଅଧିରାଜ କହିଛନ୍ତି । ଆଗକୁ ଦଳ ତାଙ୍କୁ ଯେଉଁ ଦାୟିତ୍ବ ଦେବ ତାହା ସେ ତୁଲାଇବେ ବୋଲି କହିଛନ୍ତି ।
୨୦୧୯ ମସିହାରେ ଖଡ଼ିଆଳ ବିଧାନସଭା ଆସନରରୁ ନିର୍ବାଚିତ ହୋଇଥିଲେ ଅଧିରାଜ । ରୂପାନ୍ତରଣ ପଥେ ଓଡ଼ିଶା ଯେପରି ଆଗେଇ ଚାଲିଛି ସେଥିରେ ସେ ହୋଇଥିଲେ ଅନୁପ୍ରାଣିତ । ଖଡ଼ିଆଳ ବିକାଶରେ ମୁଖ୍ୟମନ୍ତ୍ରୀଙ୍କ ଅବଦାନକୁ ହୃଦବୋଧ କରି ନିର୍ବାଚିତ ତୃଣମୂଳ ପ୍ରତିନିଧିମାନେ ମଧ୍ୟ କଂଗ୍ରେସ ଛାଡ଼ି ବିଜେଡ଼ିରେ ସାମିଲ ହୋଇଥିଲେ । ୨୦୨୪ରେ ବିଜେଡିର ବଡ଼ ବିଜୟ ଲାଗି ବ୍ଲକ ଅଧ୍ୟକ୍ଷ ଓ ସରପଞ୍ଚମାନେ ସଂକଳ୍ପ ନେଇଥିଲେ । ବିରୋଧୀ କ୍ୟାମ୍ପର ଯୁବଚେହେରାମାନେ ଦଳ ଛାଡ଼ି ବିକଶିତ ଓଡ଼ିଶା ଗଠନ ପାଇଁ ହେଉଛନ୍ତି ବିଜେଡି ମୁହାଁ। ଓଡ଼ିଶାର ବୃହତ୍ତର ସ୍ବାର୍ଥ ଲାଗି ଯୁବନେତାମାନଙ୍କୁ ବିଜେଡିରେ ସାମିଲ କରାଯାଇ ଦଳକୁ ତୃଣମୂଳ ସ୍ତରରେ କରାଯାଉଛି ଶକ୍ତିଶାଳୀ। ଚିନ୍ତାରେ ପଡିଛନ୍ତି ବିରୋଧୀ।
2 Total Count