ଏବେ କଂଗ୍ରେସ ହାତରେ କଳାହାଣ୍ଡିର ଚାବି, କଂଗ୍ରେସ ହୋଇଛି ଓ୍ବିନିଂ ଫ୍ୟାକ୍ଟର । କମ୍ ବୟସରେ କମାଲ ଦେଖାଇଛନ୍ତି ଯୁବ ନେତା, ବାପା ବି କମ୍ ବୟସରେ ବିଧାୟକ , ସାଂସଦ , କେନ୍ଦ୍ରମନ୍ତ୍ରୀ ହୋଇଥିଲେ , ଆଉ ସେହି ହିସାବରେ ପୁଅ ବି କମ୍ ବୟସରେ ବିଧାୟକ ହୋଇଛନ୍ତି । ବଡ ବଡ ମହାରଥୀଙ୍କୁ ମାତ ଦେଇ ବିଧାୟକ ପଦ ହାତେଇଛନ୍ତି ପୂର୍ବତନ କେନ୍ଦ୍ରମନ୍ତ୍ରୀ ଭକ୍ତ ଚରଣ ଦାସଙ୍କ ପୁଅ ସାଗର ଚରଣ ଦାସ । କଳାହାଣ୍ଡି ଜିଲ୍ଲା ଭବାନୀପାଟଣା ସଦର ଆସନରୁ କଂଗ୍ରେସର ବିଧାୟକ ଭାବେ ନିର୍ବାଚିତ ହୋଇଛନ୍ତି ସାଗର ।
କଳାହାଣ୍ଡି ଲୋକସଭା ଜିତିଛି କଂଗ୍ରେସ ଭୋଟ୍ । ଦଳର ହେଭିଓ୍ବେଟ୍ ନେତା ତଥା ରାଜ୍ୟ କଂଗ୍ରେସ ପ୍ରଚାର କମିଟି ଅଧ୍ୟକ୍ଷ ଭକ୍ତଚରଣ ଦାସ ଗତଥର ଦିଲ୍ଲୀ ଲଢେଇ ଲଢିଥିବା ବେଳେ ଏଥର ନର୍ଲାରୁ ବିଧାନସଭାରୁ ନିର୍ବାଚନ ଲଢିଥିଲେ । ତିନି ତିନି ଥର ସାଂସଦ ରହିଥିବା ଭକ୍ତ ଦାସଙ୍କର କଳାହାଣ୍ଡିରେ ନିଜସ୍ବ ସଂଗଠନ ରହିଛି । ଭକ୍ତଙ୍କ ପୁଅ ସାଗର ଦାସ ମଧ୍ୟ ଭବାନୀପାଟଣାରୁ ଲଢି ବିଧାୟକ ପ୍ରାର୍ଥୀ ଭାବେ ନିର୍ବାଚିତ ହୋଇଛନ୍ତି ।
ଲୋକସଭା ଛାଡି ବିଧାନସଭା ମଇଦାନକୁ ଭକ୍ତ ଦାସ ଓହ୍ଲାଇବା ପରେ ବଦଳିଯାଇଥିଲା କଳାହାଣ୍ଡି ସମୀକରଣ । ଗତ ନିର୍ବାଚନରେ ଭକ୍ତ ଚରଣ ଦାସ କଳାହାଣ୍ଡି ଲୋକସଭା ପ୍ରାର୍ଥୀ ଓ ତାଙ୍କ ପୁଅ ସାଗର ଚରଣ ଦାସ ଭବାନୀପାଟଣା ସଦର ନିର୍ବାଚନମଣ୍ଡଳୀରୁ କଂଗ୍ରେସ ପ୍ରାର୍ଥୀ ହୋଇ ପରାଜିତ ହୋଇଥିଲେ। ହେଲେ ଚଳିତ ବର୍ଷ ନିର୍ବାଚନରେ କଳାହାଣ୍ଡିରେ ଦୀର୍ଘ ବର୍ଷ ପରେ କଂଗ୍ରସ ସତ୍ତାକୁ ପେରିଛି ।
127 Total Count