ଭୁବନେଶ୍ୱର: ଅକ୍ଷୟ ଶକ୍ତି କ୍ଷେତ୍ରରେ ଉଲ୍ଲେଖନୀୟ ଅଭିବୃଦ୍ଧି ପାଇଁ ପ୍ରସ୍ତୁତ ଥିବା ଓଡ଼ିଶାର ଅକ୍ଷୟ ଶକ୍ତି ସାମର୍ଥ୍ୟକୁ ଉପଯୋଗ କରିବା ଉପରେ ଭାରତୀୟ ଅକ୍ଷୟ ଶକ୍ତି ବିକାଶ ଏଜେନ୍ସି (ଆଇଆରଇଡିଏ) ଗୁରୁତ୍ୱାରୋପ କରି ଖୁସି ପ୍ରକାଶ କରିଛି । ଜୁନ୍ ୨୦୨୪ ସୁଦ୍ଧା ଓଡ଼ିଶାର ସ୍ଥାପିତ ଅକ୍ଷୟ ଶକ୍ତି କ୍ଷମତା ପ୍ରାୟ ୨.୮ ଗିଗାୱାଟ୍ ରହିଛି, ଯେଉଁଥିରେ ପ୍ରାୟ ୨.୧ ଗିଗାୱାଟ୍ ବୃହତ୍ ଜଳ ପ୍ରକଳ୍ପ ଏବଂ ଅନ୍ୟାନ୍ୟ ଅକ୍ଷୟ ଉତ୍ସ ଯଥା ସୌର, କ୍ଷୁଦ୍ର ଜଳ ଏବଂ ପବନ (ଉତ୍ସ: ଏମଏନଆରଇ ଡାଟା) ଅନ୍ତର୍ଭୁକ୍ତ ରହିଛି ।
ସୌର, ପବନ ଓ ଜଳ ବିଦ୍ୟୁତ କ୍ଷମତା କ୍ଷେତ୍ରରେ ଓଡ଼ିଶା ଶ୍ରେଷ୍ଠ ୧୦ ଏବଂ ବାୟୋମାସ୍ ସମ୍ଭାବନାରେ ୧୪ତମ ସ୍ଥାନରେ ରହିବା ସହ ଓଡ଼ିଶାରେ ଅକ୍ଷୟ ଶକ୍ତି ସମ୍ଭାବନା ଯଥେଷ୍ଟ ରହିଛି । ରାଜ୍ୟରେ ପ୍ରାୟ ୩.୮ ଗିଗାୱାଟ ଅକ୍ଷୟ ଶକ୍ତି ଚୁକ୍ତି କ୍ଷମତା ଏବଂ ଓଡ଼ିଶା ଭିତରେ ଓ ବାହାରେ ଥିବା କାରଖାନାଗୁଡ଼ିକରୁ ୪.୨ ଗିଗାୱାଟ୍ ତାପଜ ଚୁକ୍ତିଭିତ୍ତିକ କ୍ଷମତା ରହିଛି ଯାହା ଏହାର ଉତ୍ପାଦନ ମିଶ୍ରଣରେ ୨୯% ସବୁଜ ଶକ୍ତି ଯୋଗଦାନ ଦେଉଛି ।
ଓଡ଼ିଶାର ଅକ୍ଷୟ ଶକ୍ତି କ୍ଷେତ୍ରରେ ସହଯୋଗ କରିବାରେ ଇରେଡା ପ୍ରମୁଖ ଭୂମିକା ଗ୍ରହଣ କରିଛି । ୨୦୨୪ ଜୁନ୍ ୩୦ ତାରିଖ ସୁଦ୍ଧା ଏହା ୩,୦୬୦ କୋଟି ଟଙ୍କାର ଋଣ ମଞ୍ଜୁର କରିଛି ଏବଂ ୧,୯୩୪ କୋଟି ଟଙ୍କା ଆବଣ୍ଟନ କରିଛି । ଓଡ଼ିଶା ପାଇଁ ବର୍ତ୍ତମାନ ଲୋନ ବୁକ ୧୪୫୬ କୋଟି ଟଙ୍କା ରହିଛି ।
ଓଡ଼ିଶାର ଅକ୍ଷୟ ଶକ୍ତି ବିକାଶକୁ ତ୍ୱରାନ୍ୱିତ କରିବା ଏବଂ ଏହାର ସମ୍ପୂର୍ଣ୍ଣ ସମ୍ଭାବନାକୁ ଉପଲବ୍ଧ କରିବା ପାଇଁ ଆମେ ଉତ୍ସର୍ଗୀକୃତ ବୋଲି ଇରେଡାର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ପ୍ରଦୀପ କୁମାର ଦାସ କହିଛନ୍ତି । ଆମର ପୁଞ୍ଜିନିବେଶ ଏବଂ ସମର୍ଥନ ଓଡ଼ିଶାରେ ସ୍ଥାୟୀ ଅଭିବୃଦ୍ଧି ଏବଂ ଶକ୍ତି ପରିବର୍ତନ ପାଇଁ ଆମର ପ୍ରତିବଦ୍ଧତାକୁ ପ୍ରତିଫଳିତ କରୁଛି ।
ସବୁଜ ଶକ୍ତି ମାଧ୍ୟମରେ ଇସ୍ପାତ ଓ ଆଲୁମିନିୟମ ଭଳି ପାରମ୍ପରିକ କ୍ଷେତ୍ରର ମୂଲ୍ୟ ବୃଦ୍ଧି ପାଇଁ ପ୍ରତିଶ୍ରୁତି ଦେଇଥିବା ଗ୍ରୀନ ହାଇଡ୍ରୋଜେନ ବିପ୍ଳବରେ ଓଡ଼ିଶା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ ବୋଲି ଶ୍ରୀ ଦାସ ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଗୁରୁତ୍ୱାରୋପ କରିଛନ୍ତି ।
ଆଜି ଆୟୋଜିତ ଏକ ଗଣମାଧ୍ୟମ ସଭାରେ ଶ୍ରୀ ଦାସ ଗୁରୁତ୍ୱାରୋପ କରିଛନ୍ତି ଯେ; “ସବୁଜ ହାଇଡ୍ରୋଜେନ୍ ବିପ୍ଳବରେ ଓଡିଶା ଏକ ପ୍ରମୁଖ ଭୂମିକା ଗ୍ରହଣ କରିବାକୁ ପ୍ରସ୍ତୁତ ଅଛି, ଯାହା ସବୁଜ ଶକ୍ତି ମାଧ୍ୟମରେ ଇସ୍ପାତ ଏବଂ ଆଲୁମିନିୟମ୍ ପରି ପାରମ୍ପାରିକ କ୍ଷେତ୍ର ପାଇଁ ମୂଲ୍ୟ ଯୋଗ କରିବ । ସବୁଜ ହାଇଡ୍ରୋଜେନର ଉତ୍ପାଦନ, ଯାହା ଉତ୍ପାଦନ ମୂଲ୍ୟର ୬୦% ରୁ ଅଧିକ ବିଦ୍ୟୁତ୍ ଆବଶ୍ୟକ କରିଥାଏ, ଯାହା ସବୁଜ ଶକ୍ତିର ପରିଚାଳନା ଓ ଗୁରୁତ୍ୱକୁ ଦର୍ଶାଉଛି ।”
ଓଡିଶାରେ ଗୁରୁତ୍ୱପୂର୍ଣ୍ଣ ଘୋଷଣା ଏବଂ ସବୁଜ ପ୍ରକଳ୍ପ ନିର୍ମାଣ ଜାରି ରହିଛି ଯେଉଁଥିପାଇଁ ପ୍ରାୟ ୩ ଲକ୍ଷ କୋଟି ଟଙ୍କାର ଆନୁମାନିକ ପୁଞ୍ଜିନିବେଶର ଆବଶ୍ୟକତା ରହିଛି । ଏହି ପ୍ରକଳ୍ପଗୁଡ଼ିକ ଅଧିକ ସ୍ଥାୟୀ ଶକ୍ତି ଭବିଷ୍ୟତ ଆଡକୁ ଗତି କରିବ ଏବଂ ଓଡ଼ିଶାର ଅର୍ଥନୈତିକ ଅଭିବୃଦ୍ଧିକୁ ତ୍ୱରାନ୍ୱିତ କରିବ ।
ନିକଟରେ ଭାରତୀୟ ଅକ୍ଷୟ ଶକ୍ତି ବିକାଶ ଏଜେନ୍ସି ଲିମିଟେଡ୍ (ଇରେଡା)ର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ପ୍ରଦୀପ କୁମାର ଦାସ ଓ ଇରେଡାର ନିର୍ଦେଶକ (ଅର୍ଥ) ଡ. ବିଜୟ କୁମାର ମହାନ୍ତି ଓଡ଼ିଶାର ମାନ୍ୟବର ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଓ ମାନ୍ୟବର ଉପମୁଖ୍ୟମନ୍ତ୍ରୀ କନକ ବର୍ଦ୍ଧନ ସିଂହଦେଓଙ୍କୁ ଭେଟିଥିଲେ । ଏହି ବୈଠକରେ ଅକ୍ଷୟ ଶକ୍ତି ଅର୍ଥ ଯୋଗାଣରେ ଇରେଡାର ଗୁରୁତ୍ୱପୂର୍ଣ୍ଣ ଭୂମିକା ଏବଂ ନିରନ୍ତର ବିକାଶ ପାଇଁ ଏହାର ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରାଯାଇଥିଲା ।
ଆଲୋଚନା ସମୟରେ ଶ୍ରୀ ଦାସ ସମଗ୍ର ଦେଶରେ ଅକ୍ଷୟ ଶକ୍ତି ପ୍ରକଳ୍ପ ଆର୍ôଥକ ସହାୟତା କ୍ଷେତ୍ରରେ ଇରେଡାର ଗୁରୁତ୍ୱପୂର୍ଣ୍ଣ ଅବଦାନ ଉପରେ ଗୁରୁତ୍ୱାରୋପ କରିଥିଲେ । ସ୍ୱଚ୍ଛ ଶକ୍ତିକୁ ପ୍ରୋତ୍ସାହିତ କରିବା ଉଦ୍ଦେଶ୍ୟରେ କମ୍ପାନୀର ପଦକ୍ଷେପ ବିଷୟରେ ବିସ୍ତୃତ ଭାବରେ ବର୍ଣ୍ଣନା କରିବା ସହ ଇରେଡା କିପରି ଆର୍ôଥକ ସହାୟତା ମାଧ୍ୟମରେ ଓଡ଼ିଶାକୁ ଏହାର ଅକ୍ଷୟ ଶକ୍ତି ସମ୍ଭାବନାର ଉପଯୋଗ କରିବାରେ ସାହାଯ୍ୟ କରିପାରିବ ସେ ବିଷୟରେ ବର୍ଣ୍ଣନା କରିଥିଲେ । ବିଶେଷକରି ଜଳ, ଭାସମାନ ସୋଲାର, ସୋଲାର ଉପକରଣ ଉତ୍ପାଦନ, ଗ୍ରୀନ୍ ହାଇଡ୍ରୋଜେନ୍ ଓ ଗ୍ରୀନ୍ ଆମୋନିଆ ଇତ୍ୟାଦି କ୍ଷେତ୍ରରେ ସୁଯୋଗ ସମ୍ପର୍କରେ ରାଜ୍ୟର ସବୁଜ ଶକ୍ତି ଲକ୍ଷ୍ୟ ଆଲୋଚନାର ମୁଖ୍ୟ କେନ୍ଦ୍ରବିନ୍ଦୁ ଥିଲା ।
59 Total Count