ଡାକ୍ତରଖାନାର ଜଣେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ପଚରାଉଚରା ପାଇଁ କୋଲକାତା ପୁଲିସ ଆରଜି କର ହସ୍ପିଟାଲର ଛାତି ମେଡିସିନ୍ ୱିଙ୍ଗର ଆସିଷ୍ଟାଣ୍ଟ ସୁପରିଣ୍ଟେଣ୍ଡେଣ୍ଟ ତଥା ବିଭାଗର ମୁଖ୍ୟ (ଏଚ୍ଓଡି)କୁ ଡକାଇଛି।ଆସିଷ୍ଟାଣ୍ଟ ସୁପରିଣ୍ଟେଣ୍ଡେଣ୍ଟ ପ୍ରଥମେ ପୀଡିତାଙ୍କ ପରିବାର ସହ କଥା ହୋଇଥିଲେ ଏବଂ ସେ ଡାକ୍ତରଖାନା ଭିତରେ ଆତ୍ମହତ୍ୟା କରି ତାଙ୍କର ମୃତ୍ୟୁ ହୋଇଥିବା କହିଥିଲେ।
ପୁଲିସ ୧୩ ଅଗଷ୍ଟ ମଙ୍ଗଳବାର ଦିନ ସକାଳ ୧୧ଟା ସମୟରେ କୋଲକାତା ପୁଲିସ ମୁଖ୍ୟାଳୟରେ ପଚରାଉଚରା କରିବ ବୋଲି ଜଣାପଡ଼ିଛି। ଆଗାମୀ ଦିନରେ ଆର.ଜି କର ହସ୍ପିଟାଲର ଅଧିକ ଡାକ୍ତରଙ୍କୁ ଡକାଯିବାର ସମ୍ଭାବନା ରହିଛି ବୋଲି ସୂତ୍ରରୁ ପ୍ରକାଶ। ପ୍ରଶିକ୍ଷକ ଡାକ୍ତରଙ୍କ ବଳାତ୍କାର ଓ ହତ୍ୟା ଘଟଣାର ସମ୍ମୁଖୀନ ହୋଇ ଆରଜି କର ମେଡିକାଲ କଲେଜ ଏବଂ ହସପିଟାଲର ପ୍ରିନ୍ସପାଲ ସାନ୍ଦୀପ ଘୋଷ ତାଙ୍କ ପଦ ଓ ସରକାରୀ ସେବାରୁ ଇସ୍ତଫା ଦେଇଛନ୍ତି।
ପୀଡିତାଙ୍କ ଚାରି ପୃଷ୍ଠାର ଶବ ବ୍ୟବଚ୍ଛେଦ ରିପୋର୍ଟରୁ ଜଣାପଡିଛି ଯେ ମହିଳାଙ୍କ ବ୍ୟକ୍ତିଗତ ଅଂଶରୁ ରକ୍ତସ୍ରାବ ହେଉଥିଲା ଏବଂ ଶରୀରର ଅନ୍ୟ ଅଙ୍ଗରେ ଆଘାତ ଚିହ୍ନ ରହିଥିଲା। ସେଥିରୁ ତାଙ୍କୁ ଦୁଷ୍କର୍ମ ଓ ହତ୍ୟା କରାଯାଇଥିବା ସ୍ପଷ୍ଟ ହୋଇଛି। ତେବେ ଆସିଷ୍ଟାଣ୍ଟ ସୁପରିଣ୍ଟେଣ୍ଡେଣ୍ଟ କାହିଁକି ତାହାକୁ ଆତ୍ମହତ୍ୟା ବୋଲି କହିଥିଲେ ତାହାକୁ ନେଇ ଜେରା କରିବ ପୁଲିସ୍।
କୋଲକାତା ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାରେ ଦେଶସାରା ଡାକ୍ତରଙ୍କ ପ୍ରତିବାଦ। ଘରୋଇ, ଆବାସିକ ହସ୍ପିଟାଲର ଶହଶହ ଡାକ୍ତର କାମ ଛାଡି ଧାରଣାରେ ବସିଛନ୍ତି । ଗତ ସପ୍ତାହରେ ମହିଳା ଟ୍ରେନି ଡାକ୍ତରଙ୍କୁ ଗଣଦୁଷ୍କର୍ମ କରି ବୀଭତ୍ସ ହତ୍ୟା କରାଯାଇଥିବା ଘଟଣାକୁ ବିରୋଧ କରାଯାଉଛି । ସୋମବାର ସାରା ଦେଶରେ ବନ୍ଦ ଡାକରା ଦେଇଥିଲା ଜୁନିୟର ଡାକ୍ତର ସଂଘ ।
2 Total Count