ନିର୍ବାଚନକୁ ୬ ମାସ ପୁରିଥିବା ବେଳେ ଲୋକମାନଙ୍କ ମାନସପଟରୁ ପୂର୍ବତନ ଆଇଏଏସ ଭି କାର୍ତିକେୟନ ପାଣ୍ଡିଆନଙ୍କ ନାଁ ଅପସରି ଯାଉଥିବା ବେଳେ ତାଙ୍କୁ ନେଇ ବିଜେପି ସରକାର ପ୍ରଥମରୁ ଯେଉଁ ତଦନ୍ତ ଓ ଦଣ୍ଡ ବିଧାନ ନେଇ ଗର୍ଜୁଥିଲେ ତାହା ମଧ୍ୟ ଶାନ୍ତ ପଡିଯାଇଛି। କିନ୍ତୁ ଆଜି ପୁଣି ଠାରେ ରାଜ୍ୟ ରାଜନୀତି ସରଗରମ ହୋଇଛି।
ତେବେ ରାଜ୍ୟ ରାଜନୀତିରେ ଦେଖାଦେଇଥିବା ହଲଚଲ ଭି କାର୍ତିକେୟନ ପାଣ୍ଡିଆନଙ୍କୁ ନେଇ ନୁହେଁ ବରଂ ତାଙ୍କ ପତ୍ନୀ ତଥା ଆଇଏଏସ ସୁଜାତା କାର୍ତିକେୟନ ପାଣ୍ଡିଆନଙ୍କୁ ନେଇ। ନିର୍ବାଚନ ପରେ ବିଜେଡିର ଶୋଚନୀୟ ପରାସ୍ତ ପରେ ଓ ଭି କାର୍ତିକେୟନ ପାଣ୍ଡିଆନଙ୍କୁ ପ୍ରତିଟି ସ୍ଥରରେ ସମାଲୋଚନା ପରେ, ଆଇଏଏସ ପତ୍ନୀ ସୁଜାତା କାର୍ତିକେୟନ ପାଣ୍ଡିଆନ ଗତ ମେ’ ମାସ ୩୧ରୁ ୬ ମାସ ଅର୍ଥାତ ନଭେମ୍ବର ୨୬ ଯାଏଁ ଛୁଟି ନେଇଥିଲେ ଏବଂ ରାଜ୍ୟ ସରକାର ମଧ୍ୟ ତାହା ମଂଜୁର କରିଥିଲେ। ଇତି ମଧ୍ୟରେ ୬ ମାସ ପରେ ଆଇଏଏସ ସୁଜାତା ପୁଣି ୬ ମାସ ପାଇଁ ବର୍ଦ୍ଧିତ ଛୁଟି ପାଇଁ ଆବେଦନ କରିଥିଲେ। ତେବେ ରାଜ୍ୟ ସରକାର ଏହି ବର୍ଦ୍ଧିତ ଛୁଟି ଆବେଦନକୁ ଅଗ୍ରାହ୍ୟ କରିବା ସହ ତାଙ୍କୁ ତୁରନ୍ତ କାର୍ଯ୍ୟରେ ଯୋଗ ଦେବା ପାଇଁ କହିଛନ୍ତି। ସେତେବେଳେ ଆଇଏଏସ ସୁଜାତା ନିଜ ସାନ ଝିଅର ୧୦ମ ପରୀକ୍ଷା ନିମନ୍ତେ ୬ ମାସ ଛୁଟି ନେଇଥିଲେ ବୋଲି ରାଜ୍ୟ ସରକାର କହିଥିଲେ।
ତେବେ ପ୍ରଶ୍ନ ଉଠୁଛି ଯେ ସୁଜାତା କେତେଦିନ ନିୟମାନୁଯାୟୀ ଛୁଟି ନେଇପାରିବେ ଓ ଯଦି ଆବେଦନ ନାମଞ୍ଜୁର ହୁଏ, ସେ କ୍ଷେତ୍ରରେ ସେ କଣ କରିବେ। ହୁଏତ ସେ ନ୍ୟାୟାଳୟର ଆଶ୍ରୟ ନେଇ ପାରନ୍ତି କିମ୍ବା ଆଇଏଏସ ଚାକିରିରୁ ଇସ୍ତଫା ଦେଇପାରନ୍ତି।
ତେବେ ସର୍ବଭାରତୀୟ ସେବା ନିୟମ ଅନୁଯାୟୀ, ଆବଶ୍ୟକ ସ୍ଥଳେ ଜଣେ ଆଇଏଏସ ଅଧିକାରୀ କ୍ରମାଗତ ଭାବେ ୫ ବର୍ଷ ପର୍ଯ୍ୟନ୍ତ ଛୁଟିରେ ରହିପାରିବେ କିନ୍ତୁ ୫ ବର୍ଷ ପରେ କାର୍ଯ୍ୟରେ ଯୋଗ ନ ଦେଲେ ତାହା ଇସ୍ତଫା ବୋଲି ଧରି ନିଆଯିବ । ଏବେ ଦେଖିବାର କଥା, ଆଇଏଏସ ସୁଜାତା ଓ ରାଜ୍ୟ ସରକାରଙ୍କ ପଦକ୍ଷେପକୁ ।
62 Total Count