ଏଥର ସବୁ ସମସ୍ୟାର ହେବ ସମାଧାନ । ସବୁ ପ୍ରଶ୍ନର ଉତ୍ତର ଏବେ ଘରେ ବସି ପାଇପାରିବେ ଆବେଦନକାରୀ । ତାହା ପୁଣି ଇଂରାଜିରେ ନୁହେଁ ଓଡ଼ିଆରେ । ସର୍ଚ୍ଚ ଇଂଜିନରେ ପ୍ରଶ୍ନ ପଚାରି ଓଡ଼ିଆରେ ନିଜର ଉତ୍ତର ପାଇପାରିବେ। ଏମିତି କିଛି ସୁବିଧା କରୁଛନ୍ତି ରାଜ୍ୟ ସରକାର। ଏଆଇ ବ ଆର୍ଟିଫିସିଆଲ୍ ଇଣ୍ଟେଲିଜେନ୍ସ ବ୍ୟବହାର ଦ୍ବାରା ସରକାରୀ ବିଭାଗ ଓ କର୍ମଚାରୀ ମାନଙ୍କ କାର୍ଯ୍ୟଦକ୍ଷତା ବଢଆଇବା ଉଦ୍ଦେଶ୍ୟରେ ଓଡିଶା AI ନୀତି 2005କୁ ରାଜ୍ୟ କ୍ୟାବିନେଟରେ ଅନୁମୋଦନ ମିଳିଛି। ହି ନୀତି ଆଣିବାରେ ଦେଶର ପ୍ରଥମ ରାଜ୍ୟ ଓଡ଼ିଶା।ରାଜ୍ୟର ବୈଷୟିକ ବିକାଶକୁ ଏହି ନୀତି ଆହୁରି ସୁଦୃଢ଼ କରିବ ।
କୃତ୍ରିମ ବୁଦ୍ଧିମତାର ବ୍ୟବହାର ଦ୍ବାରା ପ୍ରାଶାସନିକ ସେବା କ୍ଷେତ୍ରରେ ସୁଫଳ ମିଳିବ ବୋଲି କହିଛନ୍ତି ସୂଚନା ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ। ଏହି ନୀତି ଓଡ଼ିଶାର ପ୍ରଯୁକ୍ତି ବିଦ୍ୟା ବିକାଶ କ୍ଷେତ୍ରରେ ଏକ ଗୁରୁତ୍ବପୂର୍ଣ ଅଧ୍ୟାୟ ହେବ। ଶିକ୍ଷା, ସ୍ଵାସ୍ଥ୍ୟ, କୃଷି, ମହିଳା ଓ ଶିଶୁ ବିକାଶ ଭଳି ବିଭିନ୍ନ କ୍ଷେତ୍ରରେ ଏଆଇର ଉପଯୋଗ ହେବ । ଚଳିତ ଆର୍ଥିକ ବର୍ଷ ବଜେଟରେ ଏଆଇ ନୀତି ପାଇଁ ୨୦ କୋଟି ଟଙ୍କା ବ୍ୟୟବରାଦ କରାଯାଇଛି । ଆବଶ୍ୟକ ହେଲେ ବଜେଟ୍ ଅର୍ଥ ବଢ଼ାଇବାକୁ ଲକ୍ଷ ରଖିଛନ୍ତି ସରକାର ।
35 Total Count