୧୬ ଦିନର ସନ୍ଧାନ ପରେ ଶିଲଂରେ ନିଖୋଜ ଇନ୍ଦୋର ଦମ୍ପତିଙ୍କ ମାମଲାର ନାଟକୀୟ ଅନ୍ତ ଘଟିଛି। ମେଘାଳୟ ପୁଲିସ ଅନୁଯାୟୀ, ସୋମବାର ପ୍ରତ୍ୟୁଷରେ ପତ୍ନୀ ସୋନମ୍ ଗାଜିପୁରରେ ଉତ୍ତର ପ୍ରଦେଶ ପୁଲିସ ନିକଟରେ ଆତ୍ମସମର୍ପଣ କରିଛନ୍ତି।
ମେଘାଳୟ ପୁଲିସ ଘୋଷଣା କରିଛି ଯେ ଶିଲଂରେ ମେ ୨୩ ତାରିଖରୁ ନିଖୋଜ ଥିବା ପତ୍ନୀ ଚେରାପୁଞ୍ଜି ଅଞ୍ଚଳର ଏକ ଘାଟି ଭିତରେ ତାଙ୍କ ସ୍ୱାମୀଙ୍କ ମୃତଦେହ ମିଳିବାର ଏକ ସପ୍ତାହ ପରେ ନିଜକୁ ଆତ୍ମସମର୍ପଣ କରିଛନ୍ତି। ମେଘାଳୟର ଜଣେ ବରିଷ୍ଠ ପୁଲିସ ଅଧିକାରୀ ଇଣ୍ଡିଆ ଟୁଡେ ଟିଭିକୁ କହିଛନ୍ତି ଯେ ସ୍ତ୍ରୀ ସୋନମ୍ ରାଜ କୁଶୱାହା ନାମକ ଜଣେ ବ୍ୟକ୍ତିଙ୍କ ସହିତ ପ୍ରେମ ସମ୍ପର୍କ ରଖିଥିବାରୁ ରାଜାଙ୍କ ହନିମୁନ୍ ସମୟରେ ତାଙ୍କୁ ହତ୍ୟା କରିବାକୁ ନିର୍ଦ୍ଦେଶ ଦେଇଥିଲେ।
୨୩ ମେ ‘ରେ ନିଖୋଜ ହେବା ପରେ ଜୁନ୍ ୪ ତାରିଖରେ ମିଳିଥିଲା ରାଜାଙ୍କ ଗଳିତ ମୃତଦେହ। ହେଲେ ସୋନମ୍ଙ୍କ କୌଣସି ପତ୍ତା ମିଳିନଥିଲା । ହେଲେ ଏବେ ନାଟକୀୟ ଭାବେ ସ୍ବାମୀଙ୍କୁ ହତ୍ୟା କରିଥିବା ନେଇ ପୁଲିସ୍ ଆଗରେ ଆତ୍ମସମର୍ପଣ କରିଛନ୍ତି ସ୍ତ୍ରୀ ସୋନମ୍ ।
61 Total Count