ଝାରସୁଗୁଡାରୁ ନାବାଳକ ନିଖୋଜ ହେବା ଘଟଣା । ବୁରୋମାଲ ଅଞ୍ଚଳର ନାବାଳକଙ୍କୁ ବିଳାସପୁରରୁ ଉଦ୍ଧାର କରିଛି ପୋଲିସ । ଏନେଇ ଝାରସୁଗୁଡ଼ା ପୁଲିସ ପକ୍ଷରୁ ସୂଚନା ଦିଆଯାଇଛି। ପୁଲିସ କହିଛି ଯେ ଉକ୍ତ ନାବାଳକକୁ କେହି ଅପହରଣ କରି ନ ଥିଲେ, ବରଂ ସେ ନିଜ ଇଚ୍ଛାରେ ଟ୍ରେନରେ ଯାଉଥିଲା । ପୁଲିସ ଏବେ ନାବାଳକକୁ ଝାରସୁଗୁଡ଼ାକୁ ଆଣିବା ପାଇଁ ବିଳାସପୁରକୁ ଯାଉଥିବା ଜଣାଯାଇଛି।
ସୂଚନାଯୋଗ୍ୟ, ବୁରୋମାଲ ଅଞ୍ଚଳର ନାବାଳ ପ୍ରିନ୍ସଙ୍କ ମା’ ଅସୁସ୍ଥ ହେବାରୁ ଗତ ୭ ତାରିଖରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏହି ସମୟରେ ନାବାଳକଙ୍କ ବାପା ବି ଡାକ୍ତରଖାନାରେ ଥିବାବେଳେ ଘରେ ନାବାଳକ ଓ ତାଙ୍କର ଭାଇ ଥିଲେ ।
ଶୁକ୍ରବାର ଅପରାହ୍ନରେ ଘର ବାହାରେ ଛିଡ଼ା ହୋଇଥିବା ବେଳେ କୁଆଡ଼େ ନିଖୋଜ ହୋଇଯାଇଥିଲେ ପ୍ରିନ୍ସ। ଶନିବାର ପରିବାର ଲୋକେ ସବୁଆଡ଼େ ଖୋଜାଖୋଜି କରିଥିଲେ ତଥାପି ପ୍ରିନ୍ସଙ୍କର କୌଣସି ପତ୍ତା ମିଳିନଥିଲା । ତେଣୁ କୌଣସି ଉପାୟ ନପାଇ ରବିବାର ଦିନ ଝାରସୁଗୁଡ଼ା ପୋଲିସ ଷ୍ଟେସନରେ ଅଭିଯୋଗ କରିଥିଲେ ପ୍ରିନ୍ସଙ୍କ ପରିବାର ଲୋକ । ହେଲେ ଏବେ ନିଖୋଜ ନାବାଳକ ଜଣକ ବିଳାସପୁରରୁ ଠାବ ହୋଇଛନ୍ତି ।
ତାଙ୍କୁ କେହି ଅପହରଣ କରିନଥିଲେ ବରଂ ସେ ନିଜ ଇଛାରେ ଘର ଛାଡ଼ି ଯାଇଥିଲେ ବୋଲି ଜଣାପଡ଼ିଛି ।
77 Total Count