ଆଜି ଚଳଚଞ୍ଚଳ ପୁରୀ । ସଜେଇ ହୋଇଛି ଶ୍ରୀମନ୍ଦିର।ରୁକ୍ମିଣୀ ହରଣ ଏକାଦଶୀ । ଶ୍ରୀମନ୍ଦିରରେ ଅନୁଷ୍ଠିତ ହେବ ମହାପ୍ରଭୂ ଶ୍ରୀଜଗନ୍ନାଥଙ୍କ ବିବାହ ଉତ୍ସବ । ବିମଳା ମନ୍ଦିର ନିକଟକୁ ମଦନମୋହନ ଆସିବା ପୂର୍ବରୁ ସେଠାରେ ପହଞ୍ଚିଛନ୍ତି ମା’ ଲକ୍ଷ୍ନୀ । ଏହା ପରେ ମାଜଣା କରାଯାଇ ରୁକ୍ମିଣୀ ହରଣ ନୀତି କରାଯିବ । ତେବେ ସନ୍ଧ୍ୟା ଧୂପ ପରେ ବିବାହ ଉତ୍ସବ ଅନୁଷ୍ଠିତ ହୋଇଥାଏ । ବିଶ୍ୱ ନିୟନ୍ତାଙ୍କ ବିବାହ ଉତ୍ସବ ଦେଖିବା ପାଇଁ ଶ୍ରୀମନ୍ଦିରରେ ଭକ୍ତଙ୍କ ଗହଳି ଦେଖିବାକୁ ମିଳିଛି । ସେପଟେ ଶ୍ରୀମନ୍ଦିରର ଚାରିଦ୍ୱାରରେ ତେଲିଙ୍ଗି ବାଜା ଓ ତୁରୀ ବାଜିବା ସହ ଧୁମଧାମରେ ଶ୍ରୀମନ୍ଦିରରେ ଏହି ବିବାହ ଉତ୍ସବ ପାଳନ କରାଯାଉଛି । ନୀତି ପାଇଁ ଦିନ ଗୋଟାଏରୁ ସନ୍ଧ୍ୟା ୬ଟା ଯାଏ ବନ୍ଦ ରହିବ ସର୍ବସାଧାରଣ ଦର୍ଶନ ।
ଏହାସହ ମହାପ୍ରଭୁଙ୍କ ନିମନ୍ତେ ଶ୍ରୀମନ୍ଦିରରେ ପହଞ୍ଚିଛି ବାସୁଙ୍ଗା ପାଟ । ଭୁବନେଶ୍ୱରର ସହିଦ ନଗର ସ୍ଥିତ ଓଡିଶା ସମବାୟ ଟସର ଓ ରେଶମ ମହାସଂଘ କାର୍ଯ୍ୟାଳୟରୁ ୩୫୦ କେଜି ବାସୁଙ୍ଗା ପାଟ ପଠାଯାଇଛି । ୧୯୮୧ ମସିହାରୁ ସେରିଫେଡ୍ ପକ୍ଷରୁ ଏହା ଯୋଗାଇ ଦିଆଯାଇଛି । ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ ପ୍ରଦୀପ ବଳ ସାମନ୍ତଙ୍କ ଉପସ୍ଥିତିରେ ଯାଇଛି ବାସୁଙ୍ଗା ପାଟ । ଏହି ସ୍ବତନ୍ତ୍ର ପାଟରେ ଶ୍ରୀଜିଉଙ୍କ ବିଜୟ ଡୋରି, ପଇତା, ରାକ୍ଷୀ ଆଦି ପ୍ରସ୍ତୁତ ହୋଇଥାଏ ।
44 Total Count